بۇل تۋرالى KAZAKH INVEST ۇلتتىق كومپانياسىمەن كەزدەسۋدە Austin Detonator كومپانيانىڭ ايماقتىق ديرەكتورى ليبور بارتەك ايتتى.
Austin Detonator وكىلدەرىنىڭ ايتۋىنشا, قازاقستاندىق نارىق كومپانيا ءۇشىن ۇلكەن قىزىعۋشىلىق تۋدىرۋدا جانە وزگەرگەن حالىقارالىق جاعدايعا بايلانىستى ولار ىنتىماقتاستىقتى كەڭەيتۋ جانە قازاقستاندا زاۋىت اشۋ مۇمكىندىكتەرىن قاراستىرۋدا.
«بىزدە بۇرىن قازاقستاندىق كومپانيالارمەن جۇمىس ىستەۋدىڭ تابىستى تاجىريبەسى بار. قازىر ءبىز كومپانيانىڭ قازاقستاندىق نارىقتاعى ۇلەسىن ارتتىرۋعا مۇددەلى ەكەنىمىزدى بىلدىرەمىز. ىنتىماقتاستىعىمىزدى كەڭەيتۋ ءۇشىن زاۋىت اشۋدى جوسپارلاپ وتىرمىز, ول تەك قازاقستاندىق نارىقتى عانا ەمەس, سونىمەن قاتار باسقا ەلدەردىڭ نارىقتارىنا ەكسپورتتايدى», دەدى ليبور بارتەك.
«سىزدەردىڭ كاسىپورىن ونىمدەرىنىڭ 97 پايىزى ەكسپورتقا شىعارىلاتىنىن بىلەمىز. وندىرىستەردى قازاقستاندا ورنالاستىرۋ ارقىلى ءسىز تاۋاردى جەتكىزۋ تىزبەگىن جاقسارتا الىپ جانە دە جاڭا نارىقتارعا شىعا الاتىنىنا سەنىمدىمىز», دەپ اتاپ ءوتتى باسقارما توراعاسىنىڭ ورىنباسارى جاندوس تەمىرعالي.
Austin Detonator (Austin Powder Company حولدينگىنىڭ بولىگى) ەۋروپاداعى ونەركاسىپتىك جارىلىس جۇمىستارىنا ارنالعان دەتوناتسيالىق ماتەريالداردىڭ ەڭ ءىرى ءوندىرۋشىسى. ونىمدەر جەلىسى الۋان ءتۇرلى جانە مۇناي-گاز ونەركاسىبىنە ارنالعان ەلەكترلىك/ەلەكترلىك ەمەس جالپى ماقساتتاعى دەتوناتورلاردى, ەلەكتروندى جۇيەلەردى, سونداي-اق دەتوناتسيالىق ماتەريالداردى وندىرۋگە ارنالعان كومپونەنتتەردى: پرايمەرلەردى, تولقىن وتكىزگىشتەردى, تۇتانۋ باستيەكتەرىن جانە ت.ب. Austin Europe ەۋروپالىق ايماقتا جالپى سانى 1000-نان استام قىزمەتكەرى 12 وكىلدىگى بار. كومپانيا بۇكىل الەم بويىنشا ونىمدەردى جەتكىزەدى جانە جارىلىس, تەحنيكالىق قولداۋ جانە جارىلىس جۇمىستارىن وڭتايلاندىرۋ قىزمەتتەرىن ۇسىنادى.
Austin Detonator وكىلدەرىنىڭ ساپارى KAZAKH INVEST پەن قازاقستاننىڭ چەحياداعى ەلشىلىگىنىڭ قولداۋىمەن ۇيىمداستىرىلدى.
