وبلىستىق پوليتسيا دەپارتامەنتىنىڭ ءباسپاسوز قىزمەتى حابارلاعانداي, قايعىلى وقيعا 12 تامىزدا تۇنگى ساعات 2:00 شاماسىندا بولعان.
«اقتوعاي اۋدانىندا بالقاش – گۇلشات تاسجولىندا 65 جاستاعى Subaru اۆتوكولىگىنىڭ جۇرگىزۋشىسى جولداعى ەسكەرتۋ بەلگىلەرىنىڭ بارىنا قاراماستان, جولدىڭ جوندەلىپ جاتقان باعىتىنا شىعىپ, سول جەردە جول جوندەۋمەن اينالىسىپ جاتقان, 47 جاستاعى ازاماتتىڭ باسقارۋىنداعى Shacman جۇك كولىگىمەن سوقتىعىسقان. جول-كولىك وقيعاسىنىڭ سالدارىنان Subaru اۆتوكولىگىنىڭ جۇرگىزۋشىسى مەن ەكى جولاۋشىسى وقيعا ورنىندا قازا تاپتى», دەلىنگەن حابارلامادا.
اتالعان دەرەك بويىنشا قازاقستان رەسپۋبليكاسى قىلمىستىق كودەكسىنىڭ 345-بابى 4-بولىگىنە سايكەس سوتقا دەيىنگى تەرگەۋ امالدارى باستالدى. ءتيىستى ساراپتامالار تاعايىندالدى.
