الماتىدا تۇرعىن ءۇي-كوممۋنالدىق شارۋاشىلىعىن دامىتۋدىڭ مەمەلەكەتتىك «نۇرلى جەر» باعدارلاماسى اياسىندا اۋەزوۆ اۋدانىدا 97 كوپقاباتتى ۇيدە 190 ليفت جاڭارتىلعان.
- «نۇرلى جەر» تۇرعىن ءۇي-كوممۋنالدىق شارۋاشىلىعىن دامىتۋ باعدارلاماسى اياسىندا جىل باسىنان بەرى 8 ءۇيدىڭ جالپى پايدالانۋ ورىندارى جوندەلدى جانە 97 ۇيدە 190 ليفت اۋىستىرىلدى. جىل سوڭىنا دەيىن 8 ۇيدەگى 12 ءليفتىنى قوسىمشا اۋىستىرۋ جانە 32 ۇيدەگى جالپى پايدالانۋ ورىندارىن جوندەۋ جوسپاردا», - دەدى ەربولات دوساەۆ.
سونىمەن قاتار ول اۋدان بويىنشا تۇراقتى سۋ باسۋدىڭ 5 ۋچاسكەسى انىقتالعانىن اتاپ ءوتتى.
«بۇگىنگى كۇنى ەكى ۋچاسكە جويىلدى, 2022 جىلدىڭ سوڭىنا دەيىن قالعان ءۇش ۋچاسكە بويىنشا جۇمىستار اياقتالادى. ول ءۇشىن مومىش ۇلى كوشەسىندە ديامەترى 1 مەتر جانە ۇزىندىعى 2,1 كم جاڭا سۋ بۇرۋ كانالى سالىنادى, سونداي-اق جۇبانوۆ, قابدولوۆ, وتەگەن باتىر كوشەلەرىندەگى ۇزىندىعى 3,5 كم كوللەكتور قالپىنا كەلتىرىلەدى. بۇدان باسقا 2023 جىلدىڭ سوڭىنا دەيىن ۇزىندىعى 44 شاقىرىم 67 كوشەدە ارىق جەلىلەرى سالىنىپ, قايتا جاڭعىرتىلادى», دەدى اكىم.
