مەديتسينا • 10 تامىز، 2022

جەدەل جاردەم نەگە كەشىگەدى؟

57 رەت كورسەتىلدى

باسى اۋىرىپ، بالتىرى سىزداعان قاراشا حالىق مەيىرىم مەن قايىرىم كۇتىپ، الدىمەن جەدەل جاردەم قىزمەتىن شاقىراتىنى بەلگىلى. الايدا العاشقى مەديتسينالىق كومەكتى كورسەتۋگە ءتيىس قىزمەتكەرلەر ۇدايى كورسەتىلگەن مەكەنجايعا ۋاقتىلى جەتە بەرمەيدى. سودان دا بولسا كەرەك، جۇرت الەۋمەتتىك جەلىلەردە جەدەل جاردەم قىزمەتىن سىناۋعا بەيىم بولىپ الدى.

جامبىل وبلىسىندا جەدەل جاردەم كولىكتەرى جەتكىلىكتى مە؟ حالىققا باستاپقى مەديتسينالىق كومەكتى شۇعىل تۇردە كورسەتۋگە ءتيىس قىزمەتكەرلەر نەگە شاقىرۋعا شارق ۇرىپ ازەر جەتەدى؟ وسى سا­ۋالمەن وبلىستىق دەنساۋلىق ساق­­تاۋ باسقارماسىنىڭ باسشىسى اسەت قاليەۆكە قايىرىلعان بو­لا­تىنبىز.

باسقارما باسشىسىنىڭ ايتۋىنشا، وڭىردە 132 سانيتارلىق اۆتوكولىك بار. 2020 جىلدىڭ سوڭىندا باسقارما 65 سانيتارلىق كولىكپەن قوسىمشا قامتىلعان. دەسە دە اتالعان اۆتوكولىكتەردىڭ 22،7 پايىزى ەسكىرگەن ەكەن.

«جەدەل جاردەم كولىكتەرىن شاقىرعان كەزدە قاراستىرىلعان ارنايى ءتورت سانات بار ەكەنىنە نازار اۋدارعان ءجون. ناقتىلاپ ايتار بولسام، ءبىرىنشى سانات بو­يىنشا كولىك ون مينۋتتا، ەكىنشى ساناتقا سايكەس ون بەس مينۋتتا، ءۇشىنشى سانات بويىنشا وتىز مينۋتتا، ءتورتىنشى سانات بو­يىنشا ءبىر ساعات بەدەرىندە جەتۋى ءتيىس. بۇل جەردە كەيدە حالىق تۇسىنبەۋشىلىك تانىتىپ جاتادى. جوعارىدا ايتقانىمىزداي، ءتورتىنشى ساناتقا سايكەس جەدەل جاردەم كولىگى ءبىر ساعات شاماسىندا جەتسە، جۇرت «جەدەل جاردەم بريگاداسى كەشىكتى» دەپ ايىپتاي جونەلەدى. ال ءبىزدىڭ نورماتيۆ بويىنشا بۇل قالىپتى جاعداي بولىپ ەسەپتەلەدى.

تەمپەراتۋراسى كوتەرىلگەن، ازداپ جوتەل قىسقان ادامدار ءتورتىن­شى ساناتقا جاتاتىنىن ەس­كەرگەن ءلازىم. ال شاقىرتۋ يەسى­نىڭ جۇرە­گى سىر بەرىپ، قاتتى قينالىپ جاتسا، ول ءبىرىنشى ساناتقا جاتادى. دەمەك جەدەل جاردەم كولىگى ءبىرىنشى كەزەكتە سول ساناتتاعى ازا­ماتتارعا جەدەل جەتۋگە ءتيىس. وسىنىڭ ءبارىن ديسپەتچەرلەر اڭگىمەلەسۋ بارىسىندا انىقتاپ وتىرادى. سول اڭگىمەلەسۋدىڭ ناتيجەسىندە كىمنىڭ قانداي سانات بويىنشا سىرقاتتانىپ جاتقا­نى ناقتىلانادى. سوعان ساي­كەس جەدەل جاردەم بريگاداسىن جى­بە­رە­دى»، دەيدى باسقارما باس­شىسى جاعدايدى ءتۇسىندىرىپ.

باسقارما باسشىسىنىڭ سوزى­نە سۇيەنسەك، ءوڭىر تۇرعىن­دا­­رىنا ءۇش قوسالقى ستانسا جانە 11 اۋداندىق جەدەل مەدي­تسي­نالىق جاردەم بو­لىم­شە­لەرى قىزمەت كورسەتەدى. سا­ني­­­تا­رلىق اۆياتسيا قىز­مە­تىن ءۇش ءمو­بيلدى بريگادا ورىنداپ ءجۇر. ولار­دىڭ قاتارىندا اكۋ­­­شەر­لىك-گينە­كولوگيالىق، نەوناتولوگيالىق جانە نەي­رو­­حي­­رۋرگيالىق-تراۆ­ماتو­لو­گيا­لىق بري­گادالار بار.

بۇگىندە وڭىردە Call-ورتالىعى شاقىرتۋلاردى «ۇەۇو» بازاسى ارقىلى قابىلدايدى. ارنا­يى وقىتىلعان 12 ديسپەتچەر قو­ڭى­راۋلارعا جاۋاپ بەرەدى. مەدي­تسينالىق قىزمەتكەرلەردىڭ ىشىندە 2 ديسپەتچەر جۇمىس اتقا­را­دى. ولار ءوز تاجىريبەلەرىن وزگە دە قىزمەتكەرلەرگە ۇيرەتۋ­دەن جالىققان ەمەس.

«2022 جىلدىڭ 6 ايى ىشىندە «كومەك» ءادىسى ارقىلى ومىرگە قاۋىپ توندىرەتىن جاعداي بويىنشا 280 ادام حابارلاسقان. ونىڭ ىشىندە جوعارى تىنىس جولدارى اۋرۋلارى – 16، قۇرىسۋ سيندرومى كەزىندەگى كومەك – 93، بەيسانالىق كۇيلەردە – 120، جاراقاتتار مەن جازاتايىم وقيعالار كەزىندە – 28، ونىڭ ىشىندە وزىنە قول جۇمساۋ – 4، سۋعا باتۋ – 2، ۋلانۋ – 1، جكو بويىنشا 14 شاقىرتۋعا كومەك كورسەتىلگەن. ودان بولەك، ۇيدە بوسانۋ جاعدايى 5 رەت تىركەلسە، كەۋدە تۇسىنان اۋىر­سىنۋ – 15، ينسۋلت كەزىندە ءۇش رەت كومەك كورسەتىلگەن.

جالپى، «كومەك» ءادىسى قوڭى­راۋ­لارىن باسقارۋدىڭ اۆتو­مات­تاندىرىلعان جۇيەسى «شا­قىرۋدى قابىلدايتىن جازبا» جۇيەسىمەن جانە ساني­تار­لىق اۆتوكولىكتىڭ GPS-ناۆيگاتسياسىمەن ين­تەگ­را­تسيا­لانعان، ول پاتسيەنتتىڭ مەكەنجايىنا دەيىن قوزعالىس مارشرۋتىن اۆتوماتتى تۇردە تاڭداۋعا مۇم­كىندىك بەرەدى. بۇل كەلۋ ۋاقى­تىن قىسقارتۋعا جاعداي جاسايدى. سونداي-اق «كومەك» ابج جامبىل وبلىسىنىڭ كوپسالالى ستاتسيونارلارىمەن، ەمۇو جانە امسق-مەن بىرىكتىرىلگەن»، دەيدى ءا.قاليەۆ.

باسقارما باسشىسىنىڭ اي­تۋىن­­شا، جەدەل جاردەمنىڭ جەتۋى 2021 جىلى – 12،8 مينۋتتى، ال 2022 جىلى – 11،2 مينۋتتى قۇ­را­عان. جۇرگىزىلگەن جۇمىس­تار­دىڭ ناتي­جەسىندە 1،6 مينۋتقا دەيىن وز­گەرگەن.

«2021 جىلمەن سالىستىرعاندا شاقىرۋدى تاپسىرۋ ۋاقىتى 2،2-دەن 1،5 مينۋتقا دەيىن، قالا بو­يىنشا كەلۋ ۋاقىتى 9،3-تەن 8،4 مينۋتقا دەيىن، اۋىل بويىنشا 12،2 مينۋتتان 10،9 مينۋتقا دەيىن قىسقارعان»، دەيدى ول.

ءا.قاليەۆتىڭ ايتۋىنا قارا­عان­­دا، جەدەل جاردەم بريگادالا­رى مۇل­دە كەشىكپەيدى دەۋگە بول­ماي­دى.

«جەدەل جاردەم كولىكتەرى قاي كەز­دە بولسىن كەشىكپەي جەتەدى دەپ مەن ناقتى ايتا المايمىن. ونداي جاعدايلار وتە سيرەك بولسا دا كەزدەسىپ تۇرادى. مۇنداي جاعدايلار ءبىرىنشى جانە ەكىنشى ساناتتاعى ناۋقاستار شاقىرعان كەزدە ۇشىراسادى. ونىڭ وزىندىك سەبەپتەرى بار. كەيدە شاقىرۋشى مەكەنجايدى ناقتى دۇرىس ايتپايدى. ءتىپتى كەيبىر جاعدايدا ءۇي سىرتىنداعى ءنومىرى جوق بولعان­دىق­تان قوسىمشا ىزدەپ تە جاتادى. وسىنداي سەبەپتەرمەن سيرەك تە بولسا ازداعان مينۋتقا كەشىگۋلەر بولادى. سوندىقتان تۇرعىندار مەكەنجايدى ايتقاندا قاتەلەسىپ، وزدەرىنىڭ دە، قىزمەتكەرلەردىڭ دە ۋاقىتىن الماسا ەكەن»، دەيدى ءا.قاليەۆ.

 

جامبىل وبلىسى

سوڭعى جاڭالىقتار

ءوڭىر جانە وركەنيەت

ساياسات • كەشە

اعا بۋىننىڭ قولداۋى

ساياسات • كەشە

ەسىمنەن كەتپەس ەساعاڭ

رۋحانيات • كەشە

بار ءۇمىت – بۋبليكتە

تەننيس • كەشە

وقىرماننىڭ رۋحاني ولجاسى

ەگەمەن قازاقستان • كەشە

ۇقساس جاڭالىقتار