قوعام • 10 تامىز، 2022

ۇلتتىق تاربيە – اسىل قازىنامىز

29 رەت كورسەتىلدى

حالقىمىزدىڭ رۋحاني مۇراسى اسا باي. ول ۇشى قيىرسىز قازاق ەلىنىڭ عاسىرلار تەرەڭىنەن باستاۋ الادى.

وسى تۇرعىدان كەلگەندە، اتا-بابالارىمىز بالا تاربيەسىنە ۇلكەن ءمان بەرگەن، جاس ۇرپاقتى ءوز بەتىنشە ەڭبەك ەتىپ، ءومىر سۇرۋگە دايارلاۋدىڭ سان الۋان قۇرالدارى مەن ادىستەرىن مەڭگەرگەن. حالىق فولكلورىنىڭ بارلىق جانرى بالا تاربيەسىنە مولىنان پايدالانىلدى. ەرتەگىلەردى، اڭىزداردى، شەجىرەلەر مەن داستانداردى اسقان شەبەرلىكپەن، وي-قيالدىڭ دامۋ دەڭگەيىن ەسكەرە وتىرىپ ومىرگە اكەلدى. مۇنىڭ ءوزى بالا تاربيەسىندە زور ءرول اتقارىپ، ونىڭ جان-جاقتى دامۋىنا ۇلكەن سەپتىگىن تيگىزدى.

ادام ءومىرىنىڭ ءتۇرلى كەزەڭدەرىنە بايلانىستى پايدا بولعان عۇرىپتار جيىنتىعى تۇرىندەگى سالت-داستۇرلەر بالا بويىنداعى ادامگەرشىلىك مىنەز-ق ۇلىق نورمالارىنىڭ قالىپتاسۋىنا جاعداي جاسايدى. اتا-بابالارىمىزدىڭ رۋحاني قازىنالارى – اڭگىمە، اڭىز، وسيەت، ماقال-ماتەل تۇرىندە ساقتالىپ، كەيىنگىلەرگە جەتتى. بۇدان ءبىز حالىقتىڭ عاسىرلار بويعى وتباسىلىق ىزگى داستۇرلەرىنە سۇيەنگەن ۇرپاقتار ساباقتاستىعىن كورەمىز. قازاق حالقىنىڭ كوپتەگەن سالت-ءداستۇرى، ادەت-عۇرىپتارى، شىن مانىندە، ادامگەرشىلىك تاربيەنىڭ جازىلماعان زاڭدارىنا، ەلىمىزدەگى وتباسىلاردىڭ وزىندىك ءبىر مورالدىق كودەكسىنە اينالدى. سەبەبى ولاردا جاس ۇرپاقتى تاربيەلەۋدىڭ سۇزگىدەن وتكەن سان عاسىرلىق تاجىريبەسى بار.

حالىقتىڭ وتباسىلىق ءداستۇرىن قايتا جاڭعىرتۋ قازىرگى ۋاقىتتا ەرەكشە ماڭىزعا يە. ويتكەنى ءوز حالقىڭنىڭ سالت-ءداستۇرى مەن ادەت-عۇرپىن ءبىلۋ بۇگىنگىنىڭ دە، بولاشاقتىڭ دا ادامىن تاربيەلەيدى. ال تاۋەلسىز مەملەكەتىمىزدىڭ ەرتەڭى ۇرپاقتىڭ رۋحاني بايلىعى مەن مادەنيەتىنە، ۇلتتىق ويلاۋ قابىلەتى مەن بىلىمىنە تىكەلەي بايلانىس­تى. سەبەبى ءاربىر حالىق ۇرپاعىمەن كوكتەپ، ۇرپاعىمەن وركەن جايادى. ءاربىر مەملەكەت رۋحى تازا، ساناسى بيىك، ءبىلىمدى دە بىلىكتى ۇرپاعىنان قۋات الادى.

 

ءسابيرا ايتباي،

وتىرار مەملەكەتتىك ارحەولوگيالىق مۋزەي-قورىعىنىڭ اعا عىلىمي قىزمەتكەرى

 

تۇركىستان وبلىسى

سوڭعى جاڭالىقتار

ەلوردادا Astana Marathon-2022 وتەدى

ەلوردا • بۇگىن، 12:16

سوماليدە جارىلىس بولدى

الەم • بۇگىن، 10:25

بۇگىنگى ۆاليۋتا باعامى

قارجى • بۇگىن، 10:13

ەكىنشى ورىنعا تابان تىرەدى

سپورت • بۇگىن، 07:32

وۆەرتايمدا جەڭدى

حوككەي • بۇگىن، 07:30

وزبەكستاننان باسىم ءتۇستى

سپورت • بۇگىن، 07:28

شەراعاڭ – ساحنا تورىندە

تەاتر • بۇگىن، 07:27

كوڭىل ارباعان كەڭىستىك

ادەبيەت • بۇگىن، 07:23

ۇستازدار ۇلىقتالعان كۇن

ءبىلىم • بۇگىن، 07:20

جاستار – تابيعات قامقورشىسى

ەكولوگيا • بۇگىن، 07:17

ۇقساس جاڭالىقتار