قازاقستان تەننيس فەدەراتسياسىنان ءمالىم ەتكەندەي, قازاقستاندىق گوزال اينيتدينوۆا العاشقى اينالىمدا يزرايل وكىلى كوەن ساپيرمەن شەبەرلىك بايقاستى.
قازاقستاندىق سپورتشى قارسىلاسىن 6:2, 6:1 ەسەبىمەن وڭاي جەڭدى.
گ.اينيتدينوۆا شيرەك فينالعا شىعۋ ءۇشىن وتانداسى, وسى جارىستىڭ 6-راكەتكاسى جىبەك قۇلامباەۆامەن تالاسادى.
وسكەمەن تەننيسىنىڭ جاس جۇلدىزدارى تاتيانا نيكولەنكو مەن 14 جاستاعى ماليكا امىرعاليەۆا ەكىنشى اينالىمعا شىعا المادى. ت.نيكولەنكو رەسەيلىك ەكاتەرينا ماكلاكوۆاعا ەش قارسىلىق كورسەتە المادى – 0:6, 0:6.
ماليكانىڭ الەمدىك رەيتينگتە 1473-ورىندا تۇرعان 21 جاستاعى رەسەيلىك ارينا سولوماتينامەن ماتچى تارتىستى ءوربىدى. ءۇش ساعاتقا جۋىق ۋاقىتقا سوزىلعان باسەكەدە رەسەيلىك سپورتشى 3:6, 6:2, 6:3 ەسەبىمەن جەڭىسكە جەتتى. دەگەنمەن م.امىرعاليەۆا دودادا قالادى, ول ەرتەڭ شيرەك فينالدا جۇپتىق كەزدەسۋىن وتكىزەدى.
