«الدىن الا دەرەكتەر بويىنشا شىلدەنىڭ سوڭىندا التىن-ۆاليۋتا اكتيۆتەرىنىڭ كولەمى ءبىر ايدا 835 ملن اقش دوللارىنا ارتىپ, 32,8 ملرد اقش دوللارىن قۇرادى. شىلدەدە ەكىنشى دەڭگەيلى بانكتەردىڭ ۇلتتىق بانكتەگى كوررەسپوندەنتتىك شوتتارىنىڭ ۇلعايۋى ەسەبىنەن التىن-ۆاليۋتا رەزەرۆىنىڭ ۆاليۋتا بولىگى وسكەنىن بايقادىق. بۇل اۆر ءوسۋىنىڭ نەگىزگى فاكتورى بولدى. التىن باعاسى بۇل اسەردى ءىشىنارا رەتتەدى – باعالى مەتالل 1814-تەن 1759 دوللار/ۋنتسياعا دەيىن 3 پايىزعا تومەندەۋىنە بايلانىستى «التىن» پورتفەلى تومەندەدى», دەدى ءاليا مولدابەكوۆا.
ۇلتتىق بانك توراعاسىنىڭ ورىنباسارى ءبىر ايدا التىنعا باعا بەلگىلەۋ 1687 دوللار/ۋنتسيا مانىنە جەتكەنىن اتاپ وتەدى.
ء«بىز التىندى گەوساياسي جانە ماكروەكونوميكالىق تاۋەكەلدەردىڭ شيەلەنىسۋىنەن تۋىنداعان جاھاندىق ينۆەستورلاردىڭ تاۋەكەل-سەنتيمەنتى ناشارلاعان كەزدە سۇرانىستى ايتارلىقتاي وسىرە تۇسەتىن قورعانىس اكتيۆى رەتىندە قابىلداۋعا ۇيرەنىپ قالعانبىز. الايدا, قازىرگى ۋاقىتتا التىن الەمدىك ينفلياتسيانىڭ ۇدەۋى اياسىندا كەيبىر ورتالىق بانكتەردىڭ اقشا-كرەديت ساياساتىن قاتايتۋى سياقتى بىرقاتار ماڭىزدى فاكتوردىڭ قىسىمىنا ۇشىرادى», دەدى ول.
