وقيعا • 10 تامىز، 2022

بقو-دا جول اپاتىنان ەكى ادام قازا تاپتى

676 رەت كورسەتىلدى

باتىس قازاقستان وبلىسىندا جول اپاتىنان ەكى ادام قازا تاپتى، دەپ حابارلايدى Egemen.kz.

بقو پوليتسيا دەپارتامەنتىنىڭ ءباسپاسوز قىزمەتىنەن ءمالىم ەتكەندەي، ءبىرىنشى وقيعا 8 تامىز كۇنى ساعات 2:20-دا شىڭعىرلاۋ اۋدانى اقسۋ اۋىلىندا بولدى. دوستىق كوشەسىندە 1993 جىلعى جۇرگىزۋشى «اۋدي 80» اۆتوكولىگىنىڭ رۋلىنە يە بولا الماي اۋدارىلعان. كولىكتە بولعان 1997 جىلعى جولاۋشى وقيعا ورنىندا كوز جۇمدى. جۇرگىزۋشى اۋداندىق ورتالىق اۋرۋحانانىڭ حيرۋرگيالىق بولىمىنە جاتقىزىلدى.

تاعى ءبىر وقيعا 9 تامىز كۇنى ءبورلى اۋدانىندا پودستەپنىي-فەدوروۆ-رف شەكاراسى جولىنىڭ 95-شاقىرىمىندا بولدى. شامامەن ساعات 7:10-دا ءبورلى اۋىلىنان شىعا بەرىستە، ءبورلى-اقساي جولىنىڭ قيىلىسىندا 1963 جىلعى جۇرگىزۋشى «اۋديمەن» جول بەرمەي، 1985 جىلعى تۇرعىن ايداپ كەلە جاتقان «تويوتا لاند كرۋزەر» اۆتوكولىگىمەن سوقتىعىسقان. وقيعا سالدارىنان 1963 جىلعى جۇرگىزۋشى سول جەردە جان تاپسىردى. «تويوتا لاند كرۋزەر» اۆتوكولىگىنىڭ جۇرگىزۋشىسى دارىگەر قاراعاننان كەيىن ۇيىنە جىبەرىلدى.

«اۆتوكولىكتەر ارنايى تۇراققا قويىلدى. ەكى وقيعا بويىنشا قر قك 345-بابى 3-بولىگىنە (ابايسىزدا ادام ولىمىنە سوقتىرعان جول ءجۇرۋ ەرەجەسىن بۇزۋ) سايكەس سوتقا دەيىنگى تەرگەۋ امالدارى باستالدى. بقو پوليتسيا دەپارتامەنتى جول ءجۇرۋ ەرەجەسىن ساقتاپ، اباي بولۋ، قاۋىپسىزدىك بەلدىگىن مىندەتتى تۇردە تاعۋ قاجەتتىگىن تۇرعىندار ەسىنە سالادى»، دەپ حابارلادى ۆەدومستۆودان.

سوڭعى جاڭالىقتار

ۇقساس جاڭالىقتار