الداعى دۇيسەنبى كۇنى ەلىمىزدە بوكستان ايەلدەر اراسىندا تۇڭعىش رەت ازيا چەمپيوناتى جالاۋىن كوتەرەدى. 30 مامىرعا دەيىن, ياعني ءبىر جەتىگە سوزىلاتىن بايراقتى باسەكەگە سارى قۇرلىقتىڭ كوپتەگەن ەلدەرىنىڭ قۇراما كوماندالارى قاتىساتىن بولادى.
بۇل باسەكەگە قازاقستان قۇراماسى ساپىندا وتكەن اپتادا اقمولا وبلىسى ششۋچە قالاسىندا سوڭعى وقۋ-جاتتىعۋ جيىندارىن وتكىزگەن بوكسشىلار مىنا قۇراممەن شارشى الاڭعا شىعادى. ەڭ جەڭىل 46 كگ. سالماقتا نازىم قىزايباي, ودان كەيىن نازگۇل بورانباەۆا (48 كگ.), ايگەرىم اسقاروۆا (51 كگ.), جاينا شەكەربەكوۆا (54 كگ.), وكسانا كورولەۆا (57 كگ.), گۇلجان ۋببينيازوۆا (60 كگ.), سايدا قاسەنوۆا (64 كگ.), ەلەنا كولتسوۆا (69 كگ.), داريعا شاكىموۆا (75 كگ.), مارينا ۆولنوۆا (81 كگ.) جانە 81 كيلودان جوعارى سالماقتا كۇش سىناسىپ جۇرگەن يۋلدۋز ماماتكۋلوۆا. كوماندانىڭ اعا باپكەرى ۆ.پريسياجنيۋكتىڭ ايتۋىنشا, قۇرامانىڭ چەمپيوناتقا دايىندىعى ءوز دەڭگەيىندە. ونىڭ ساپىندا رەسپۋبليكا چەمپيوندارى, ءىرى حالىقارالىق جارىستاردىڭ جەڭىمپازدارى مەن جۇلدەگەرلەرى بار. سونىمەن بىرگە, ول قۇراما كوماندانىڭ دوداعا دايىندالۋىنا بارلىق جاعدايدى جاساعان قازاقستان بوكس فەدەراتسياسىنا العىس سەزىمىن ءبىلدىردى. ء“بىزدىڭ بوكسشىلار حالىقارالىق تالاپتارعا سايكەس الدىن الا جوسپارلانعان كەستە بويىنشا چەمپيوناتقا جاقسى دايىندالدى. ەندى بىزگە اتالمىش باسەكەدە تەك قۇرمەت تۇعىرىنىڭ ەڭ بيىك ساتىسىنان كورىنۋ عانا قالدى”, – دەيدى ول. 11 مامىردا, ازيا چەمپيوناتىنىڭ باستالۋىنا ەكى جەتىدەي ۋاقىت قالعاندا قازاقستان بوكس فەدەراتسياسىنىڭ اپپارات جەتەكشىسى جانبولات ءامىرجانوۆ ازيا كونفەدەراتسياسىنىڭ رەسمي وكىلدەرى, ەرلى-زايىپتى نيەۆا جانە حەربەرت ەمبۋلدەنيا (شري-لانكا) باستاعان دەلەگاتسيامەن كەزدەسىپ, قۇرلىق چەمپيوناتىنا دايىندىق بارىسى جونىندە مالىمەتتەرمەن بولىسكەنىن اتاپ وتكەنىمىز ءجون. وعان بوكس فەدەراتسياسىنىڭ وسىناۋ باسەكەنى وتكىزۋگە جاۋاپتى ۇيلەستىرۋشىلەرى دە قاتىسىپ, ءوز پىكىرلەرىن جەتكىزدى. كەزدەسۋدە ەرلى-زايىپتى رەسمي وكىلدەر قازاقستاننىڭ اتالمىش چەمپيوناتتى جوعارى دەڭگەيدە وتكىزە جانە الداعى كەزدە بۇدان دا باسقا ءىرى حالىقارالىق جارىستاردى ۇيىمداستىرا الاتىنىنا سەنىمىن ءبىلدىردى.
