سوت بۇل ءىستى الدىن الا ءسوز بايلاسۋ ارقىلى بوپسالاۋشىلىق, سالىق تولەۋدەن جالتارۋ, توپتاسىپ رەيدەرلىك ارەكەت جاساۋ, لاۋازىمدىق وكىلەتتى تەرىس پايدالانۋ بويىنشا قاراعان.
«9 لاۋازىمدى تۇلعا «سكز», «باتىر», «پريوزەرنىي», «راحات» قوسالقى ستانتسيالارىنداعى ەسەپتەۋ قۇرالدارىنان رۇقساتسىز ەلەكتر ەنەرگياسىن ۇرلاعان. وسىلايشا «ماەك-قازاتومونەركاسىپ» جشس-نا جانە «مرەك» اق-عا اسا ءىرى مولشەردە زالال كەلتىرگەن. ايىپتاۋدىڭ كەيبىر باپتارى بويىنشا سوتتالۋشىلاردىڭ كىناسى جابىرلەنۋشىلەردىڭ, كۋالاردىڭ, وزدەرىنىڭ ايعاقتارىمەن, زاتتاي دالەلدەرمەن جانە باسقا دا ماتەريالدارمەن دالەلدەندى. كەيبىر باپتار بويىنشا سوتتالۋشىلار ولاردىڭ ارەكەتتەرىندە قىلمىستىق قۇقىق بۇزۋشىلىقتار قۇرامىنىڭ بولماۋىنا بايلانىستى اقتالدى. پروكۋرور بارلىق سوتتالۋشىلاردى كىنالى دەپ تانۋدى جانە جازا تاعايىنداۋدى سۇرادى», دەدى ماڭعىستاۋ وبلىستىق سوتىنىڭ ءباسپاسوز قىزمەتى.
سوت ەلەكتر ەنەرگياسىن ۇرلاۋشى توپتىڭ 6 مۇشەسىنە قك-ءنىڭ 188-بابى 4-بولىگى 3-تارماعى بويىنشا 5 جىل باس بوستاندىعىنان ايىرۋ جازاسىن تاعايىندادى.
سونداي-اق ەكەۋىن 7 جىلعا, بىرەۋىن 6 جىلعا سوتتادى.
