«مەملەكەت باسشىسى مەملەكەتتىك ورگانداردىڭ ازاماتتارمەن ديالوگىن كۇشەيتۋ ءۇشىن جىل سايىن حالىقپەن تۇراقتى كەزدەسۋ وتكىزۋدى تاپسىردى. بۇل - «جاڭا قازاقستاندى» قۇرۋ جولىنداعى باستى قادامداردىڭ ءبىرى. بيىلدان باستاپ ورتالىق جانە جەرگىلىكتى اتقارۋشى ورگان باسشىلارىنىڭ وڭىرلەرگە بارىپ, حالىقپەن جۇزبە-ءجۇز كەزدەسۋ وتكىزۋدىڭ جاڭا ءتارتىبى جۇزەگە اسىپ جاتىر. پرەزيدەنتتىڭ «ورتالىق اتقارۋشى ورگاندار باسشىلارىنىڭ حالىقپەن كەزدەسۋلەر وتكىزۋ تۋرالى» جارلىعى قابىلداندى», دەدى اسقار وماروۆ.
ءمينيستردىڭ ايتۋىنشا, مەملەكەتتىك ورگانداردىڭ ۇسىنىستارى نەگىزىندە 2022 جىلعا ارنالعان ورتالىق اتقارۋشى ورگاندار باسشىلارىنىڭ حالىقپەن كەزدەسۋلەر كەستەسى قۇرىلدى.
«سونىمەن قاتار مينيسترلىك حالىقپەن كەزدەسۋلەر وتكىزۋ بويىنشا ادىستەمەلىك ۇسىنىمدار ازىرلەدى. ولار بۇيرىقپەن بەكىتىلىپ, مەملەكەتتىك ورگانداردىڭ نازارىنا جەتكىزىلدى. اقپارات جانە قوعامدىق دامۋ مينيسترلىگى مەن ورتالىق اتقارۋشى ورگاندار ءوزارا جەدەل ءىس-ارەكەتتەر جاساۋ ءۇشىن WhatsApp مەسسەندجەرىندە توپتىق-چات قۇرىلدى. مۇنىمەن قوسا, جارلىق تالاپتارىن ەسكەرە وتىرىپ, مەملەكەتتىك ورگانداردىڭ حالىقپەن وتكىزگەن كەزدەسۋلەرى بويىنشا اقپارات ۇسىنۋدىڭ بىرىڭعاي فورماسى ازىرلەندى», دەدى ۆەدومستۆو باسشىسى.
