كۇدىكتى سينتەتيكالىق ەسىرتكى زاتىن وتكىزۋمەن اينالىسقانى ءۇشىن كىنالى دەپ تانىلدى. وتكەن جىلدىڭ ماۋسىم ايىندا 27 جاستاعى ازاماتشا «پيرروليدينوۆالەروفەنون» (α-PVP) ەسىرتكى زاتىن پوليەتيلەن پاكەتكە سالىپ, 11 000 (ون ءبىر مىڭ) تەڭگەدەن ساتىپ جۇرگەن جەرىنەن ۇستالعان بولاتىن.
بۇل دەرەك بويىنشا, قر قك-ءنىڭ 297-بابى 2-بولىگى بويىنشا ء(ىرى مولشەردەگى ەسىرتكى, پسيحوتروپتىق زاتتاردى, سول تەكتەستەردى وتكىزۋ ماقساتىندا زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ, جونەلتۋ نە وتكىزۋگە) قىلمىستىق ءىس قوزعالدى. كەيىننەن ءىس سوتقا جولدانىپ, ونىڭ بارىسىندا اتالعان ازاماتشانىڭ كىناسى تولىعىمەن دالەلدەندى.
«كۇدىكتى بۇعان دەيىن تۇركىستان وبلىسى سايرام اۋداندىق سوتىمەن قك-ءنىڭ 296-بابى 4-بولىگىمەن 3 جىل 6 اي مەرزىمگە سوتتالعانى ەسكەرىلىپ, وسى ۇكىممەن تاعايىندالعان جازاعا ءىشىنارا قوسۋ ارقىلى تۇپكىلىكتى 7 جىل مەرزىمگە باس بوستاندىعىنان ايىرۋ جازاسى تاعايىندالدى» دەلىنگەن شىمكەنت قالاسى پوليتسيا دەپارتامەنتىنىڭ ءباسپاسوز قىزمەتى تاراتقان اقپاراتتا.
