«الداعى جاڭا وقۋ جىلىندا تاعى 11 مەكتەپ اشۋدى جوسپارلاپ وتىرمىز. وسىلايشا 20 مىڭ وقۋشىعا ارنالعان ءبىلىم وردالارى اشىلادى. مەكتەپكە دەگەن قاجەتتىلىك بار ەكەنىن ەسكەرە كەلە, مەملەكەت باسشىسىنىڭ تاپسىرماسىنا سايكەس وقۋ ورىندارىنىڭ قۇرىلىسى ايتارلىقتاي ارتتى. سوڭعى ءۇش جىلدىڭ وزىندە 34 مەكتەپ سالىندى. وسىلايشا 70 مىڭ وقۋشى ورنى اشىلدى», دەپ جازدى التاي كولگىنوۆ.
وقۋ ورىندارىنىڭ قۇرىلىسى قالانىڭ بارلىق اۋدانىندا ءجۇرىپ جاتىر. ماسەلەن تۇرعىنداردىڭ ءوتىنىشى بويىنشا №59 مەكتەپ-ليتسەيىنىڭ (ساۋران كوشەسى) اۋماعىندا جاڭا كورپۋستىڭ قۇرىلىسى باستالدى.
«قالانى ارالاۋ بارىسىندا تۇران داڭعىلى (قارقىندى دامىپ كەلە جاتقان اۋدان, زام-زام تك اۋدانى, ە51 جانە ە69 كوشەلەرىنىڭ قيىلىسى) بويىندا سالىنىپ جاتقان مەكتەپكە باردىم. مەكتەپ 4 مىڭ ورىنعا (2 اۋىسىمدا) ەسەپتەلگەن.
مەكتەپ قۇرىلىسى ءۇشىن جەكە كاسىپكەرلەر دە جۇمىلدىرىلادى. مۇنىڭ ءبارىن بيۋدجەتتىڭ قاراجاتىنا جۇكتەۋگە بولمايدى. ونىڭ ۇستىنە اتا-انالار تاراپىنان جەكە مەكتەپتەرگە دەگەن سۇرانىس تا بار. مىسالى «Emirates Global Education Group» كومپانياسىنىڭ وكىلدەرىمەن كەزدەستىك. ولار ءوز قاراجاتى ەسەبىنەن ەلوردادا «Sabis» حالىقارالىق مەكتەبى مەن بالاباقشا سالىپ جاتىر. جالپى سانى 3200 وقۋشىعا ارنالادى. بۇل مەكتەپتى كەلەسى جىلى اشۋدى جوسپارلاپ وتىرمىز», دەدى ا. كولگىنوۆ.
