ماناربەك اقساقال باياناۋىل مەن وبلىس ورتالىعى اراسىن جاياۋ جۇگىرىپ ءوتتى ىشكى ىستەر ورگاندارىندا 30 جىلعا جۋىق قىزمەت اتقارعان ارداگەر, وتستاۆكاداعى پودپولكوۆنيك, “نۇر وتان” پارتياسىنىڭ مۇشەسى ماناربەك باجەنەەۆ قازىر پاۆلودار قالاسىندا تۇرادى.
قارتتىق جاس سانالاتىن ۋاقىتىنا قاراماستان ءالى دە قىزمەتتەن قولى بوساعان ەمەس. ءومىر بويى تىنىم تاپپاي ۇيرەنگەن اقساقال, كارىلىك كەلدى ەكەن دەپ ۇيدە تىم-تىرىس جاتۋدى ءجون كورمەپتى. بۇل كۇندەرى وبلىس ورتالىعىنداعى “قاۋىپسىزدىك قىزمەتى” دەپ اتالاتىن جشس-ءنىڭ كۇزەت وتريادىن باسقارادى. ىشكى ىستەر ورگاندارىندا قىزمەت اتقارىپ جۇرگەن جاستارعا ۇلكەن ءومىر جولىنان وتكەن اعا پوليتسەيدىڭ قاستارىندا جۇرگەنى ۇلگى-ونەگە. ولاردىڭ ەلىن, جەرىن, تىنىشتىقتى قورعاۋعا دەگەن باتىلدىقتارى مەن پاتريوتتىق سەزىمدەرى ارالارىندا جۇرگەن اعا بۋىن وكىلدەرىنىڭ عيبراتىنان ۇيرەنىپ, جول تاباتىنى دا انىق. – بيىل 21 مامىردا مەن 70 جاسقا تولامىن. ەلىمىزدىڭ وركەندەۋى ءۇشىن قىزمەت جاساپ جاتقان مىنا جاستارعا ءبىزدىڭ قيىندىق پەن قىزىققا تولى وتكەن ءومىر جولدارىمىز ۇلگى بولسىن, جاستار جىگەرلى, باتىل, قايراتتى بولىپ ءوسسىن, اتالارىنا قاراپ ساپقا تۇرسىن دەگەن ويمەن وسى مارافوندى ۇيىمداستىردىق. ەكىنشىدەن, بيىل وتان سوعىسىنداعى جەڭىسكە 65 جىل تولىپ وتىر. ەرلىك جولدارى ەشقاشان ۇمىتىلمايدى. ءبىزدى جولعا شىعارعان ماقسات وسى ەرلىكتى دارىپتەپ, ەكى اۋىلدىڭ اراسىن جول ەتكەن ءبىر جەتىلىك مارافون شاراسىن ارناۋ, ولارعا باس يۋ, – دەيدى ماناربەك اقساقال. ءسويتىپ, جاياۋ مارافونشى توپ 14 مامىر كۇنى, كۇندىزگى ون بىرلەر شاماسىندا باياناۋىل اۋدانى, جاڭاجول اۋىلى, ەسكەلدى توبەسىندە ورنالاسقان ءماشھۇر ءجۇسىپ كەسەنەسىنەن شىعىپ قارا جولعا ءتۇستى. مارافونشى توپ دەگەنىمىز, اقساقالمەن بىرگە ستۋدەنتتەر مەن ءجاسوسپىرىم بالالار دا ىلەسە بىرگە جۇگىرۋگە شىعىپتى. جول وڭاي جول ەمەس. باياناۋىلدىڭ بىردە ەڭىسكە, بىردە بيىككە, بىردە جازىققا شىعاتىن باعىتىمەن اۋەلى مايقايىڭ اۋىلىنا, ودان كەيىن ەكىباستۇز قالاسىنا جەتۋ كەرەك. كەنشىلەر قالاسىنان ماناربەك اقساقال باستاعان مارافونشىلار توبى قاراسور اۋىلى, قالقامان كەنتى, شەكاراشىلار اۋىلى, لەنين اتىنداعى, ياعني, بۇرىنعى قازانعاپ ءبيدىڭ اۋىلىنان ءوتىپ 21 مامىر كۇنى, ماناربەك اقساقالدىڭ تۋعان كۇنى كۇندىزگى ساعات 11-دە وبلىس ورتالىعىنا جەتتى. سول جەردە داڭق الاڭىنا كەلىپ, گۇل شوقتارىن قويدى, جۇرتشىلىق مارافونشىلاردى قوشەمەتتەپ, قۇرمەتپەن قارسى الدى. فاريدا بىقاي, پاۆلودار. سۋرەتتەردى تۇسىرگەن ۆ. بۋگاەۆ.
