ايماقتار • 08 تامىز، 2022

«اقباقاي» التىن شىعارۋ فابريكاسىنىڭ ەكىنشى كەزەڭى ىسكە قوسىلدى

48 رەت كورسەتىلدى

بۇعان دەيىن جامبىل وبلىسى مويىنقۇم اۋدانىنداعى «اقباقاي» وندىرىستىك الاڭىندا جىل سايىن 850 مىڭ توننا كەن وڭدىرىلگەن بولسا، فابريكانىڭ ەكىنشى كەزەڭى ىسكە قوسىلعاندا ءوندىرىس قۋاتتىلىعى جىلىنا 1،2 ميلليون تونناعا دەيىن ارتپاق، دەپ حابارلايدى Egemen.kz.

«اقباقاي» كەن ورنىن 1968 جىلى بەلگىلى گەولوگ دۇبەك دۇيسەنبەكوۆ اشقان بولاتىن. قوردى تولىق يگەرۋ جۇمىستارى 1975 جىلى باستالدى. اقباقايدا جاڭا كەن قورىنىڭ اشىلۋىنا بايلانىستى شيكىزاتتى قايتا وڭدەۋ ءۇشىن وراسان قۋات قاجەت بولعاندىقتان كەن وڭدەۋدىڭ زاماناۋي تسەحى سالىندى. بۇگىندە التىندى فابريكاعا قاراستى «اقباقاي»، «بەسكەمپىر»، «كارەرنوە»، «اقساقال»، «سۆەتينسكوە»، «كەنجەم»، «شىعىس اقباقاي» جانە «وليمپيسكوە» كەن ورىندارى وندىرەدى.

وندىرىلگەن پايدالى قازبا فابريكادا وڭدەلىپ، ودان دورە قورىتپاسى تۇرىندەگى دايىن ءونىم شىعارىلادى. تەحنولوگيالىق ۇدەرىستىڭ تولىق اينالىمى SCADA اۆتوماتتاندىرىلعان باسقارۋ جۇيەسى ارقىلى جۇرگىزىلەدى.

«ەكىنشى كەزەڭدى ىسكە قوسۋدىڭ ناتيجەسىندە كومپانيامىزدىڭ وندىرىستىك اۋقىمى كەڭەيەدى. بۇل ءوز كەزەگىندە ەل ەكونوميكاسىنىڭ دامۋىنا تىڭ سەرپىن بەرەدى دەپ ويلايمىز. بۇعان قوسا، قوسىمشا جۇمىس ورىندارى اشىلادى. اتاپ ايتقاندا، جوبانى ىسكە قوسۋ ارقىلى قوسىمشا 90 جاڭا جۇمىس ورنى اشىلادى»، دەيدى «التىنالماس اك» اق قاراعاندى جانە جامبىل وبلىستارىنداعى ءوندىرىس بويىنشا باسقارۋشى ديرەكتورى باعدات باحراموۆ.

2011-2015 جىلدارى ارالىعىندا «التىنالماس» كاسىپورنى اقباقايداعى جەراستى ءوندىرىسى تەحنولوگياسىن قول ەڭبەگى ادىسىنەن مەحانيكالاندىرىلعان ادىسكە كوشىردى. بۇل باستاما ءوندىرىس قۋاتىنىڭ 600 پايىزعا ارتۋىنا ىقپال ەتتى.

ءوندىرىستى تسيفرلاندىرۋ باعدارلاماسى اياسىندا بۇگىنگى تاڭدا كەن ورنى جەراستى ستاتسيونارلىق قۇرالدارمەن جابدىقتالىپ، اشىق تاۋ-كەن جۇمىستارىن باسقارۋ اۆتوماتتاندىرىلدى، گەولوگيالىق-ماركشەيدەرلىك جاساقتاماسى مەن GEOVIA ينتەگراتسيالىق پلاتفورماسى ەنگىزىلدى. سونىمەن قاتار ۇزىندىعى 130 شاقىرىم تالشىقتى-وپتيكالىق بايلانىس جەلىسى تارتىلىپ، 400 مەتر تەرەڭدىكتە جەراستى Wi-Fi ورناتىلدى.

قازىرگى تاڭدا جەراستى تاۋ-كەن قازبالارىن ماركشەيدەرلىك باقىلاۋ كەنشىلەردىڭ قاۋىپسىزدىگىن قامتاماسىز ەتەتىن جانە تاۋ-كەن جۇمىستارىنىڭ ونىمدىلىگىن ارتتىرۋعا ىقپال ەتەتىن CMS MINEi (GeoSight، كانادا) پايدالانىلعان كەڭىستىگىن لازەرلىك سكانەرلەۋ كومەگىمەن جۇرگىزىلەدى.  بۇدان وزگە، تاۋ-كەن گەولوگيالىق دەرەكتەرىن ساقتاۋ جانە جۇيەلەۋ ماقساتىندا سىرتقى زەرتحانالارمەن بىرىكتىرىلگەن Minevision دەرەك باسقارۋدىڭ ورتالىقتاندىرىلعان جۇيەسى ەنگىزىلدى. Strata جەراستى قوزعالىس باقىلاۋ جۇيەسى ديسپەتچەرگە سەنسورلار ارقىلى ادامدار مەن جابدىقتاردىڭ ورنالاسقان جەرىن كورسەتەدى. ال Surpac 3D مودەلدەۋ جۇيەسى گەولوگتىڭ جۇمىس ۋاقىتىن ازايتىپ، دەرەكتەردىڭ تولىقتىعى مەن سەنىمدىلىگىن ارتتىرادى. شاحتانىڭ اۋا اينالدىرۋ جۇيەسى VentSim باعدارلامالىق جاساقتاماسى ارقىلى جوبالاندى.

ال ينتەگراتسيالانعان تسيفرلىق ورتا بارلىق بيزنەس-ۇدەرىستەردى باقىلاۋعا مۇمكىندىك بەرىپ، ءوندىرىستى باقىلاۋ جانە باسقارۋدى جۇزەگە اسىرادى.

سوڭعى جاڭالىقتار

سەمەي قالاسىنىڭ اكىمى تاعايىندالدى

تاعايىنداۋ • بۇگىن، 10:42

مەسسي جەڭىسكە جەتەلەي المادى

فۋتبول • بۇگىن، 07:35

ءتورتىنشى ورىنعا تۇراقتادى

تەننيس • بۇگىن، 07:32

جۇلدەنىڭ اۋىلى الىس ەمەس

سپورت • بۇگىن، 07:28

بارىمتاعا – «قارىمتا»

قوعام • بۇگىن، 07:25

اسىق اتۋدان الەم چەمپيونى

ۇلتتىق سپورت • بۇگىن، 07:24

ادام كاپيتالىن ارتتىرۋعا ارنالادى

ەكونوميكا • بۇگىن، 07:20

جاڭا رەفورماعا سەنىم زور

پىكىر • بۇگىن، 07:16

ءۇمىت ءسوزى

پىكىر • بۇگىن، 07:12

بۇل – بولاشاقتىڭ تاڭداۋى

پىكىر • بۇگىن، 07:08

اشىقتىقتى ارتتىراتىن يگى ىستەر

قازاقستان • بۇگىن، 07:05

قۇقىق ۇستەمدىگى – كەلىسىم كەپىلى

قازاقستان • بۇگىن، 07:03

ەرتەڭىمىز ءۇشىن ۇتىمدى شەشىم

ساياسات • بۇگىن، 07:00

ۇقساس جاڭالىقتار