دودانى قازاقستاننىڭ ترەكتەگى ۆەلوسپورت كومانداسى ەكى مەدالمەن ءساتتى باستادى. پاۆلودار وبلىسىنىڭ سپورتشىسى ريناتا سۇلتانوۆا ۆەلوسيپەدپەن ترەكتەگى «سكرەتچ» جارىسىندا 1-ورىن ەنشىلەدى.
- مەنىڭ دايىندىعىم نۇر-سۇلتان قالاسىنداعى ۆەلوترەكتە ءوتتى. بۇل سپورتتا جۇرگەنىمە 14 جىل بولدى. ءوزىمدى سپورتتىڭ بىرنەشە تۇرىنەن سىناپ كوردىم. ۆەلوسپورت قىزىقتى بولىپ كورىندى, - دەدى ريناتا سۇلتانوۆا.
سپورتشى التىن مەدال العانداعى جارىسى جايلى دا ايتىپ ءوتتى.
- جالپى, سكرەتچ دەگەن – تاكتيكالىق جارىس. تاكتيكانى ءار سپورتشى وزىنە قاراي قۇرادى. بۇگىن قارسىلاستارىمنىڭ مەنەن 1 اينالىمعا اسىپ كەتپەۋىن قاراپ وتىردىم. ال, سوڭىندا سىتىلىپ شىعىپ, مارەگە ءبىرىنشى كەلۋدىڭ ءساتىن كۇتتىم. بۇل ماعان جەڭىس اكەلدى, - دەدى ۆەلوسپورتشى.
ايتا كەتسەك, بۇل جارىس تۇرىنە 8 ەلدىڭ سپورتشىلارى قاتىستى.
