زاڭ جوبالارىنىڭ دايىندىعى قارالدى

كەشە پارلامەنت ءماجىلىسىنىڭ توراعاسى ورال مۇحامەدجانوۆتىڭ جەتەكشىلىگىمەن وتكەن پالاتا بيۋروسىنىڭ وتىرىسىندا زاڭ جوبالارىنىڭ دايىندىعى تۋرالى ماسەلەلەر قارالدى, دەپ حابارلادى ءماجىلىستىڭ ءباسپاسوز قىزمەتى. ەكونوميكالىق رەفورما جانە وڭىرلىك دامۋ كوميتەتىنىڭ ۇسىنۋىمەن “مەملەكەتتىك ءمۇ­لىك تۋرالى” جانە سوعان سايكەس كەي­بىر زاڭ اكتىلەرىنە وزگە­رىس­تەر ەنگىزۋدى كوزدەيتىن زاڭ جو­با­لارى ءبىرىنشى وقىلىمدا پا­لاتا دەپۋتاتتارىنىڭ تالقى­سى­نا ۇسىنىلاتىن بولدى. سون­داي-اق, كەيبىر زاڭنامالىق اك­تىلەرگە ەلىمىزدىڭ “ەلەكتروندىق ۇكىمە­تىن” دامىتۋ ماسەلەلەرىنە قا­تىستى تۇزەتۋلەر ەنگىزۋدى قا­راستىراتىن زاڭ جوباسى ەكىنشى وقىلىمدا تالقىلاناتىنى جوسپارلانۋدا. حالىقارالىق ىستەر, قورعا­نىس جانە قاۋىپسىزدىك كوميتەتى بىرقاتار زاڭ جوبالارىن قاراۋ­دى ۇسىنىپ وتىر. اتاپ ايت­قان­دا, “دوڭگەلەكتى كولىك قۇرال­دا­رىنا ورناتىلۋى جانە پايدا­لا­نى­لۋى مۇمكىن جابدىقتاۋ زات­تا­رى مەن بولشەك­تەرگە ارنالعان بىركەلكى تەحني­كالىق ۇيعارىم­دار­دى قابىلداۋ تۋرالى جانە وسى ۇيعارىمداردىڭ نەگىزىندە بەرىلەتىن رەسمي بەكىتۋدى ءوزارا مويىنداۋ شارتتارى تۋرالى كە­لى­سىمدى راتيفيكاتسيالاۋ تۋرا­لى”, “دوڭگەلەكتى كولىك قۇ­رال­دا­رىن مەرزىمدى تەحنيكالىق بايق­اۋعا ارنالعان بىركەلكى تالاپ­تاردى قابىلداۋ تۋرالى جانە وسىنداي بايقاۋلاردى ءوزارا مويىنداۋ تۋرالى كەلىسىمدى را­تيفيكاتسيالاۋ تۋرالى” زاڭ جوبالارى جالپى وتىرىسقا شىعارىلادى. ەلىمىزدىڭ بىرقاتار زاڭدارى­نا ساقتاندىرۋ ماسەلەلەرىن رەتتەۋگە بايلانىستى زاڭ جوبا­سى ەكىنشى وقىلىمعا ۇسىنى­لاتىنى جونىندە قارجى جانە بيۋدجەت كوميتەتىنىڭ مالىمەتى تىڭدالدى. جالپى وتىرىستىڭ كۇن تارتىبىنە بىرنەشە زاڭ جوباسى بويىنشا قورىتىندى ازىرلەۋگە قاتىستى, سونداي-اق كەيبىر زاڭ جوبالارىنا سەنات ەنگىزگەن وزگەرىستەر مەن تولىق­تىرۋلار جونىندە ماسەلەلەر ەنگىزىلەتىن بولدى. بيۋرودا ۇستىمىزدەگى جىلعى 10-11 ماۋسىم كۇندەرى زاڭناما جانە سوت-قۇقىقتىق رەفورما كو­ميتەتىنىڭ قاراعاندى وبلى­سىن­دا كوشپەلى وتىرىسىن وتكى­زۋ تۋرالى شەشىم شىعارىلدى. “ەگەمەن-اقپارات”.