قوعام • 05 تامىز، 2022

قازاقستاندا نەكەنى تىركەۋ مەرزىمى قىسقارتىلادى

43 رەت كورسەتىلدى

ادىلەت مينيسترلىگىنىڭ جاڭا بۇيرىعىنا سايكەس، قازاقستاندا نەكەنى تىركەۋ مەرزىمى ەكى ەسە قىسقارتىلادى، دەپ حابارلايدى Egemen.kz.

مينيسترلىكتىڭ وسى جىلدىڭ 28 شىلدەسىندە قول قويىلعان بۇيرىعىنا سايكەس، نەكەگە وتىرۋعا نيەت بىلدىرگەن ادامداردىڭ كەلىسىمى بويىنشا تىركەۋشى ورگان نەكەنى تىركەۋ كۇنىن تاعايىندايدى. بۇل تۋرالى وتىنىشتە، سونداي-اق وتىنىشتەردى ەسەپكە الۋ جۋرنالىندا بەلگى قويىلادى. نەكە بىرلەسكەن ءوتىنىش بەرىلگەننەن كەيىن كەلەسى جۇمىس كۇنىنەن باستاپ ەسەپتەلەتىن كۇنتىزبەلىك ون بەسىنشى كۇنى تىركەلەدى. ەگەر مەرزىمنىڭ اياقتالۋى جۇمىس كۇنىنە تۋرا كەلمەسە، وندا ودان كەيىنگى جۇمىس كۇنى مەرزىمنىڭ اياقتالعان كۇنى بولىپ ەسەپتەلەدى.

دەگەنمەن، تىركەۋشى ورگان باستىعىنىڭ شەشىمىمەن نەكە كەلەسى جاعدايلاردا 15 كۇنگە دەيىن قيىلۋى مۇمكىن: جۇكتىلىك، بالانىڭ تۋى، تاراپتاردىڭ ءبىرىنىڭ ومىرىنە تىكەلەي قاتەر ءتونۋى جانە باسقا دا ەرەكشە ءمان-جايلار. بارلىعى قۇجات جۇزىندە راستالۋى ءتيىس. تىركەۋشى ورگان باستىعى نەكەگە تۇرۋ مەرزىمىن ۇزارتا دا الادى. بىراق ول كۇنتىزبەلىك ون بەس كۇننەن اسپاۋعا ءتيىس.

«جەكەلەگەن جاعدايلاردا نەكە قيۋدى مەملەكەتتىك تiركەۋدi كۇتۋ مەرزiمi نەكە قيۋدى مەملەكەتتىك تiركەۋگە كەدەرگi كەلتىرەتىن ءمان-جايلار بولعان كەزدە عانا تىركەۋشى ورگاننىڭ باستاماسى بويىنشا ۇزارتىلۋى مۇمكiن. كۇنتىزبەلىك ون بەس كۇندى قىسقارتۋ تۋرالى نەمەسە ۇلعايتۋ تۋرالى رۇقساتتى تىركەۋشى ورگاننىڭ باستىعى، ال ول بولماعان كەزدە ونىڭ مiندەتiن اتقارۋشى ادام نەكە قيۋ تۋرالى وتىنىشكە قارار تۇرىندە بەرەدi»، دەلىنگەن قۇجاتتا.

سوڭعى جاڭالىقتار

2186 ادام كوروناۆيرۋستان جازىلىپ شىقتى

كوروناۆيرۋس • بۇگىن، 09:30

ەلوردا «جاسىل» ايماققا ءوتتى

كوروناۆيرۋس • بۇگىن، 09:13

1/16 فينالعا شىعا المادى

تەننيس • بۇگىن، 08:45

ۇقساس جاڭالىقتار