«قازىر 5G تەحنولوگياسى بىرنەشە قالادا ىلكى رەجيمدە ىسكە قوسىلعان. بيىل اۋكتسيون وتكىزەمىز. سول اۋكتسيوندا بىرنەشە لوكاتسيانى قامتۋ مىندەتتەمەسى بولادى. 5G-ءدىڭ قازىرگى نۇسقاسى بۇكىل ەلدى مەكەندى تولىقتاي قامتۋعا مۇمكىندىك بەرمەيدى. سوندىقتان بۇگىندە وپەراتورلارمەن لوكاتسيا بويىنشا جۇمىس ىستەپ جاتىرمىز», دەدى اسحات ورازبەك ەلوردادا ءوتىپ جاتقان «تسيفرلىق قازاقستانعا بەتبۇرىس» اتتى حالىقارالىق فورۋم بارىسىندا.
ونىڭ ايتۋىنشا, بۇگىندە رەسپۋبليكالىق ماڭىزى بار نۇر-سۇلتان, الماتى, شىمكەنت قالالارى جانە تۇركىستان وبلىسى 5G جەلىسىمەن قامتىلعان.
«5G ەنگىزۋ ترافيك تۇتىنۋدىڭ شامادان تىس وسىمىمەن قاتار 4.0 يندۋسترياسىنىڭ, اقپاراتتىق تەحنولوگيالاردىڭ, اقىلدى ۇيلەردىڭ دامۋىنا الىپ كەلەتىندىگىن تۇسىنەمىز. ارينە, بۇل جاسالۋى ءتيىس ترەند بولىپ تۇر. ونى وپەراتورلارمەن بىرگە جاسايمىز. مۇنى قالاي جاساۋ قاجەتتىگىنە قاتىستى ناقتى ۇستانىمىمىز بار», دەدى ۆيتسە-مينيستر.
اسحات ورازبەكتىڭ ايتۋىنشا, 2024 جىلى 5G قولجەتىمدى بولادى.
«مەنىڭشە, الداعى ەكى جىلدىڭ ىشىندە تۇرعىندار ەلىمىزدىڭ اۋماعىندا 5G جەلىسىنىڭ قولجەتىمدىلىگىن سەزەدى», دەدى ول.
