«ەلدىڭ اتىن ەر شىعارادى». ەندىگى ۋاقىتتا ديماش دەسە – قازاقتى, قازاق دەسە – ديماشتى بىلەدى الەم.
كورمە يندونەزيانىڭ استاناسى دجاكارتادا 10 كۇنگە ۇلاساتىن كورىنەدى. يندونەزيا رەسپۋبليكاسىنىڭ ۇلتتىق كىتاپحاناسىندا 10 كۇن بويى قازاق مادەنيەتى سالتانات قۇرىپ, ديماشتىڭ بۇلبۇل داۋسى ەستىلەدى. كورمە بارىسىندا ەلىمىزگە ءتان سۋرەتتەر مەن كادەسىيلار ۇسىنىلىپتى.
قازاق وركەنيەتىن ايگىلەگەن ءىس-شارانى قازاقستان رەسپۋبليكاسىنىڭ يندونەزياداعى ەلشىلىگى مەن يندونەزيا رەسپۋبليكاسىنىڭ نۇر-سۇلتانداعى ەلشىلىگىنىڭ قولداۋىمەن ديماش قۇدايبەرگەن جانە DIDFC يندونەزيالىق فان-كلۋبى ۇيىمداستىردى. اشىلۋ راسىمىندە ديماشتىڭ جانكۇيەرلەرى «دايديداۋ» جانە «ليۋبوۆ ۋستاۆشيح لەبەدەي» اندەرىمەن تاڭعاجايىپ قويىلىمدار قويدى. اتالعان اندەر تۇپنۇسقادا جانە يندونەزيا تىلىندە شىرقالدى.
ءانشىنىڭ شىعارماشىلىعىمەن تانىسقاننان كەيىن قازاق ءتىلىن مەڭگەرۋگە دەن قويا باستاعان جانكۇيەرى تيتا دجادجوسمان مۇحتار اۋەزوۆتىڭ «ەڭلىك-كەبەك» پوەماسىن وقىپ, قوناقتاردى تاڭعالدىردى.
