فوتو: gov.kz
«پرەزيدەنت ۇلتتىق قۇرىلتايدا جاستاردىڭ شىعارماشىلىق سالاعا بەلسەندى ارالاسۋىن اتاپ ءوتىپ, كينو, ونەر جانە مادەني ءونىم ءوندىرۋدىڭ جاڭا فورماتتارى ۇلتتىق بىرەگەيلىكتى قالىپتاستىرۋدىڭ جانە وتاندىق مادەنيەتتى حالىقارالىق دەڭگەيدە ىلگەرىلەتۋدىڭ ماڭىزدى تەتىگىنە اينالىپ وتىرعانىن ايتتى. بۇل – كرەاتيۆتى يندۋستريانىڭ قوسالقى سالا ەمەس, جاڭا جۇمىس ورىندارىن قالىپتاستىراتىن, جاڭا ماماندىقتاردى نارىققا اكەلەتىن جانە ەكسپورتتىق الەۋەتكە يە تولىققاندى ەكونوميكالىق سەكتور رەتىندە قالىپتاسىپ كەلە جاتقانىن كورسەتەدى», دەدى «جاستار» عىلىمي-زەرتتەۋ ورتالىعىنىڭ ديرەكتورى گ ۇلىسحان ناحباەۆا.
سونداي-اق ول بۇگىنگى جاس ازاماتتاردىڭ زامانعا ساي, وزىندىك بولمىسى قالىپتاسىپ كەلە جاتقانىن ايتادى.
ء«بىزدىڭ الەۋمەتتانۋ سالاسىنداعى زەرتتەۋلەرىمىزدەن اڭعارعانىمىز, ەل جاستارىنىڭ ەكونوميكالىق مىنەز-قۇلقىنىڭ جاڭا مودەلى قالىپتاسىپ كەلەدى. بۇل مودەلدە تۇراقتى تابىسقا ۇمتىلۋ, ەڭبەك يكەمدىلىگىنە قىزىعۋشىلىق جانە قۇندىلىقتار, بىرەگەيلىك پەن ەڭبەكتىڭ ماعىنالىق مازمۇنى سياقتى ماتەريالدىق ەمەس فاكتورلاردىڭ ءرولى ارتا تۇسكەن. دەمەك, جاستار ەڭبەگىن تەك جۇمىسپەن قامتۋ ۇعىمى اياسىندا عانا ەمەس, ەكونوميكالىق بەلسەندىلىك, شىعارماشىلىق الەۋەت, تسيفرلىق قۇزىرەتتەر مەن الەۋمەتتىك جاۋاپكەرشىلىكتىڭ ءبىرتۇتاس جۇيەسى رەتىندە قاراستىرۋ قاجەت. مادەنيەت, كرەاتيۆتى ەكونوميكا جانە جاڭا ماماندىقتار سالاسىنداعى جاستار باستامالارىن قولداۋ ەلىمىزدىڭ ورنىقتى دامۋى مەن بولاشاق ەكونوميكاسىن قالىپتاستىرۋدىڭ ماڭىزدى شارتى», دەدى گ.ناحباەۆا.
بىلتىرعى ەسەپ بويىنشا رەسپۋبليكاداعى كرەاتيۆتى سەكتورلاردا 143 600 ادام جۇمىس ىستەيدى. ەڭبەك رەسۋرسىن قاجەت ەتەتىن باعىتتار قاتارىندا IT, ساۋلەت ونەرى مەن ءسان يندۋسترياسى, مادەني-دەمالىس مەكەمەلەرى, كىتاپحانالار مەن مۋزەيلەر, حالىقتىق قولونەر كىرەدى.
پرەزيدەنت: جاستاردىڭ جاڭاشىلدىعى كەز كەلگەن سالاعا زور سەرپىن بەرەدى
بۇگىندە استانا, الماتى, تۇركىستان, شىمكەنت, اتىراۋ, قىزىلوردا, پەتروپاۆل, اقتوبە, سەمەي, وسكەمەن, اقتاۋ جانە جەزقازعان قالاسىندا 12 حاب جۇمىس ىستەپ جاتىر.
ماڭىزدىسى, بيىل ەلىمىزدە كرەاتيۆتى يندۋستريا سۋبەكتتەرىن مەملەكەتتىك قولداۋ جانە ىنتالاندىرۋ قاعيدالارى بەكىتىلدى. جاڭا قۇجات سالانى دامىتۋدىڭ جۇيەلى ءارى اشىق ءتاسىلىن قالىپتاستىرىپ, كرەاتيۆتى جوبالاردىڭ يدەيا مەن پيلوتتىق شەشىمدەردەن باستاپ, حالىقارالىق نارىقتارعا شىعۋ جانە كوممەرتسيالاندىرۋعا دەيىنگى كەزەڭىن تولىق قامتيدى.
مۇندا قارجىنى قايتارۋ ماسەلەسىنە ەرەكشە نازار اۋدارىلعان. كرەاتيۆتى جانە پيلوتتىق جوبالاردى قارجىلاندىرۋ, بىرلەسە قارجىلاندىرۋعا ارنالعان قۇرالدار, جەكە ينۆەستورلارمەن باستامالاردى ىسكە اسىرۋ, كرەاتيۆتى ءونىم ەكسپورتىن قولداۋ, زياتكەرلىك مەنشىكتى تىركەۋ جانە قۇقىقتىق قورعاۋعا جۇمسالعان شىعىنداردى وتەۋ, حالىقارالىق شىعارماشىلىق بايقاۋلار مەن ءىس-شارالارعا قاتىسۋ, سونداي-اق حالىقارالىق دەڭگەيدەگى جەتىستىكتەر ءۇشىن سىياقى بەرۋ ماسەلەلەرى دە قاراستىرىلعان.
سونىمەن قاتار قارجىلىق ەمەس قولداۋ شارالارى دا قاراستىرىلعان. ماسەلەن, كونسۋلتاتسيالىق, اكسەلەراتسيالىق, ءبىلىم بەرۋ بويىنشا قولداۋ, حالىقارالىق مادەني, كرەاتيۆتى پلاتفورمالارعا قاتىسۋعا جاردەمدەسۋ, ءۇي-جايلار مەن جابدىقتاردى جەڭىلدەتىلگەن شارتتارمەن ۇسىنۋ, تسيفرلىق سەرۆيستەر مەن ونلاين-پلاتفورمالاردى دامىتۋ, جوبالارعا ماركەتينگتىك جانە قۇقىقتىق جەتەكشىلىك ەتۋ, كرەاتيۆتى يندۋستريانى دامىتۋدىڭ وڭىرلىك ستراتەگيالارىن ازىرلەۋ, ينكليۋزيانى قامتاماسىز ەتۋ شارالارى, سالانىڭ جەكەلەگەن باعىتتارى بويىنشا ارنايى باعدارلامالار كىرىستىرىلگەن.
