فوتو: Pixabay / Keifit
Atyrau.Today تەلەگرام-ارناسىنىڭ جازۋىنشا, 30 قاڭتاردا اتىراۋداعى ەنەرگەتيكا جانە قۇرىلىس كوللەدجىندە وقيتىن 16 جاستاعى ستۋدەنت اعىلشىن ءتىلىنىڭ ساباعىنا 6 مينۋتقا كەشىگىپ كەلگەن. سول ءۇشىن مۇعالىم ونى 100 رەت جەردەن كوتەرىلۋ جاتتىعۋىن (وتجيمانيە) جاساۋعا مىندەتتەگەن. ول تەك 70 رەت جاساي العان.
ساباقتان كەيىن ۇيىندە ستۋدەنتتىڭ جاعدايى ناشارلاپ, جەدەل جاردەممەن اۋرۋحاناعا جەتكىزىلگەن. قان قىسىمى 150/80-گە ءتۇسىپ, جۇرەك پەن قىسىم مونيتورينگى 72 ساعاتقا قوسىلعان.
بالانىڭ اناسى پوليتسياعا ارىز جازىپ, دەنساۋلىعىنا زيان كەلتىرۋ بويىنشا قىلمىستىق ءىس قوزعاۋدى سۇرادى. بۇل شاعىم اتىراۋ وبلىسى ءبىلىم باسقارماسىنىڭ باسشىسى مارات ابۋوۆقا دا جەتتى. ءجاسوسپىرىمنىڭ ايتۋىنشا, كەشىگۋ ءۇشىن جاتتىعۋدى اعىلشىن ءتىلى ساباعىندا باسقا ستۋدەنتتەر دە جاساعان.
جەكە دەرەكتەردى تاراتقاندار قىلمىستىق جاۋاپكەرشىلىككە تارتىلۋى مۇمكىن
وسى جاعدايعا بايلانىستى الەۋمەتتىك جەلىلەردە پىكىر ەكىگە ءبولىندى.
ءبىرى: «بۇل دۇرىس تاربيە, ەر ادامداردى وسىلاي تاربيەلەيدى» دەسە, ەكىنشىلەرى: «كوللەدج − كامەلەتكە تولماعانداردى فيزيكالىق جازالاۋ ورنى ەمەس», دەگەن پىكىر قالدىرعان.
ءبىلىم باسقارماسى مۇعالىمدى كاسىبي ەتيكا بۇزعانى ءۇشىن تارتىپتىك جاۋاپكەرشىلىككە تارتتى. كوللەدج اكىمشىلىگى جاعدايدى بەيبىت جولمەن شەشۋدى ۇسىنعان, بىراق ستۋدەنتتىڭ زاڭدى وكىلى قۇقىقتىق جولدى تاڭدادى.
