پارتيا توراعاسى اسحات راقىمجانوۆ بۇل تالقىنىڭ ءمانى مەملەكەتتىڭ بولاشاق باعىتىنا قاتىستى ەكەنىن ايتتى.
«كونستيتۋتسيا – نورمالار تۋرالى اڭگىمە ەمەس. بۇل – مەملەكەتتى قالاي ەلەستەتەمىز, وندا ادامنىڭ ورنى قانداي, قوعامدىق كەلىسىم قانداي قۇندىلىقتارعا سۇيەنەدى دەگەن ساۋالدارعا جاۋاپ ىزدەۋ», دەدى ول.
ونىڭ ايتۋىنشا, كونستيتۋتسيالىق رەفورما مەملەكەت پەن قوعامنىڭ كەمەلدىگىن كورسەتەتىن كەزەڭ. مەملەكەت قالىپتاسقان باسقارۋ ۇلگىلەرىن قايتا قاراپ, جاڭا تالاپتارعا بەيىمدەلە الۋى كەرەك, ال قوعام ورتاق شەشىمدەرگە جاۋاپكەرشىلىكپەن قاراۋعا ءتيىس.
جالپىۇلتتىق سوتسيال-دەموكراتيالىق پارتيا اتا زاڭنىڭ جاڭا جوباسىن تالقىلادى
وتىرىستا جاڭا كونستيتۋتسيا جوباسىنىڭ ازىرلەنۋ بارىسى اشىق فورماتتا جۇرگەنى اتاپ ءوتىلدى. بۇل ۇدەرىسكە ساراپشىلارمەن قاتار ساياسي پارتيالار, وڭىرلەر مەن ازاماتتىق قوعام وكىلدەرى تارتىلعان. ءماجىلىس دەپۋتاتى, جسدپ ساياسي كەڭەسىنىڭ مۇشەسى اجار ساعاندىقوۆا ۇسىنىلىپ وتىرعان وزگەرىستەردىڭ ادامعا تىكەلەي قاتىسى بار ەكەنىن ايتتى.
«كونستيتۋتسيا تۋرالى اڭگىمەنى ءبىر عانا سۇراقتان باستاۋ كەرەك. ول – «ادامعا ناقتى نە بەرەدى؟» دەگەن سۇراق. كەز كەلگەن رەفورما وسى ولشەممەن باعالانۋعا ءتيىس», دەدى دەپۋتات.
ونىڭ سوزىنشە, جاڭا رەداكتسيا ازاماتتاردىڭ قۇقىقتارى مەن بوستاندىقتارىن قورعاۋعا باعىتتالعان ناقتى تەتىكتەردى كۇشەيتەدى.
جاڭا كونستيتۋتسيا جوباسىن حالىققا ءتۇسىندىرۋ: ارانداتۋشىلار زاڭ الدىندا جاۋاپ بەرەدى
وڭىرلىك فيليالداردىڭ وكىلدەرى دە رەفورمانىڭ مازمۇنىنا توقتالدى. استانا قالالىق فيليالىنىڭ توراعاسى تالعات وماروۆ جاڭا كونستيتۋتسيا ەل دامۋىنىڭ ۇزاقمەرزىمدى باسىمدىقتارىن ايقىندايتىنىن ايتتى.
«جوبادا عىلىم, ءبىلىم, مادەنيەت جانە ادامي كاپيتالدى دامىتۋعا باسىمدىق بەرىلگەن. بۇل – ۇلتتىڭ بولاشاعىنا سالىنعان ينۆەستيتسيا», دەدى ول.
اتىراۋ وبلىستىق فيليالىنىڭ توراعاسى نۇرايناش كامالوۆا كونستيتۋتسيالىق وزگەرىستەر وڭىرلەردىڭ ۇسىنىستارىمەن قالىپتاسقانىن اتاپ ءوتتى.
«كونستيتۋتسيا قوعاممەن بىرگە دامۋى كەرەك. وڭىرلەردەن تۇسكەن ۇسىنىستار جۇيەلەنىپ, كونستيتۋتسيالىق كوميسسياعا جولداندى», دەدى ول. ايتۋىنشا, ءبىر پالاتالى پارلامەنتكە كوشۋ جانە پارتيالىق سايلاۋ جۇيەسى ساياسي جاۋاپكەرشىلىكتى ارتتىرادى.
الماتى وبلىستىق فيليالىنىڭ توراعاسى نۇرىم نۇرلىبەكوۆ كونستيتۋتسيا نورمالارىنىڭ وڭىرلەردەگى ومىرمەن قالاي ۇشتاساتىنى ماڭىزدى ەكەنىن ايتتى.
«بۇل تالقىلاۋ تەك ينستيتۋتتار تۋرالى ەمەس. اڭگىمە ناقتى قالا مەن اۋىلداعى ادام ءۇشىن مەملەكەتتىڭ قانداي بولاتىنى جايلى», دەدى ول. ونىڭ سوزىنشە, الەۋمەتتىك جانە ەڭبەك ماسەلەلەرى وڭىرلەردە ايقىن سەزىلەدى.
جيىندى قورىتىندىلاعان جسدپ ورتالىق اپپاراتىنىڭ باسشىسى ماقسۇت ناسيبۋلوۆ پارتيا جاڭا كونستيتۋتسيا جوباسىنا جان-جاقتى تالداۋ جۇرگىزگەنىن ايتتى.
«جاڭا كونستيتۋتسيا جوباسى جسدپ ۇسىنعان بىرقاتار قاعيداتتى باستامالاردى قامتيدى. ولاردىڭ قاتارىندا ءبىر پالاتالى پارلامەنتكە كوشۋ, پارلامەنتتىڭ بيۋدجەتتىك وكىلەتتىكتەرىن كەڭەيتۋ, سايلاۋ جۇيەسىندەگى ارتىق شەكتەۋلەردى ازايتۋ, ساياسي ارالۋاندىق پەن بەيبىت جينالىستار قۇقىعى بار», دەدى ول.
