قالالىق جول قوزعالىسىن ۇيىمداستىرۋ جانە جولاۋشىلار كولىگى باسقارماسىنىڭ مالىمەتىنشە, 20 ماۋسىمنان باستاپ ساين كوشەسىنىڭ رىسقۇلوۆ داڭعىلىنان مۇستافين كوشەسىنە دەيىنگى بولىگىندە قوعامدىق كولىككە ارنالعان ارنايى جولاق پيلوتتىق رەجيمدە ىسكە قوسىلادى.
جوبانى جۇزەگە اسىرۋ اياسىندا جول قىزمەتكەرلەرى سارى ءتۇستى ارنايى تاڭبالار سىزىپ, قاجەتتى جول بەلگىلەرىن ورناتۋ جۇمىستارىن جۇرگىزىپ جاتىر. بارلىق دايىندىق شارالارىن 19 ماۋسىمعا دەيىن اياقتاۋ جوسپارلانعان.
مامانداردىڭ ايتۋىنشا, ارنايى جولاق قوعامدىق كولىكتىڭ قوزعالىسىن تۇراقتى ءارى بولجامدى ەتۋگە, اۆتوبۋستاردىڭ كەشىگۋىن ازايتۋعا جانە باعىتتاردىڭ ۋاقىتىلى ءجۇرۋىن قامتاماسىز ەتۋگە مۇمكىندىك بەرەدى.
سونىمەن قاتار بۇل باستاما الماتىداعى ەڭ قارقىندى كولىك دالىزدەرىنىڭ بىرىندەگى قوزعالىستى رەتتەپ, جول قاۋىپسىزدىگىن ارتتىرۋعا ىقپال ەتەدى دەپ كۇتىلۋدە.
پيلوتتىق كەزەڭ جاڭا قوزعالىس سىزباسىنىڭ تيىمدىلىگىن باعالاۋعا جانە جۇرگىزۋشىلەردىڭ وزگەرىستەرگە بىرتىندەپ بەيىمدەلۋىنە مۇمكىندىك بەرەدى. وسىعان بايلانىستى قالا تۇرعىندارى مەن كولىك جۇرگىزۋشىلەرىنە جول بەلگىلەرى مەن تاڭبالارعا مۇقيات نازار اۋدارۋ ۇسىنىلدى.
ايتا كەتەيىك, الماتىدا ايەل اۆتوبۋس ىشىندە ءجاسوسپىرىمدى اياۋسىز سوققىعا جىقتى.
