«3 تامىزدا ساعات 16:38-دە تۇپقاراعان اۋدانى «دۋنگا» مۇناي كومپانياسىنىڭ سورعى ستانتسياسى اۋدانىندا 3 ادامنىڭ سۋعا باتقانى تۋرالى حابارلاما كەلىپ ءتۇستى. سول جەردەگى تۇرعىندار 31 جاستاعى ەر ادامدى قۇتقارعان. بىراق ول اۋرۋحاناعا جەتپەي, جەدەل جاردەم كولىگىندە قايتىس بولدى. ال قۇتقارۋشىلار 35 جانە 31 جاستاعى ازاماتتاردىڭ ءمايىتىن سۋدان الىپ شىقتى», دەلىنگەن ءباسپاسوز مالىمەتىندە.
جىگىتتەر رۇقسات ەتىلمەگەن جەردە سۋعا تۇسكەن. جالپى شومىلۋ ماۋسىمى باستالعالى وڭىردە 10 ادام سۋعا باتىپ, قايتىس بولعان. ونىڭ بىرەۋى – ءجاسوسپىرىم.
وسى جاعدايلاردى ەسكەرە وتىرىپ, ماڭعىستاۋ وبلىسى توتەنشە جاعدايلار دەپارتامەنتى تۇرعىنداردان سۋعا شومىلۋ كەزىندە قاۋىپسىزدىك شارالارىن قاتاڭ ساقتاۋدى سۇرايدى.
