الماتى وبلىستىق دەنساۋلىق ساقتاۋ باسقارماسى مالىمدەگەندەي,, 2 تامىز كۇنى ىلە اۋداندىق ورتالىق اۋرۋحاناسىنا 3 ادام تۇسكەن.
«جەڭىل كولىك پەن پويىز سوقتىعىسىنان زارداپ شەككەن ءۇش ادام اۋرۋحاناعا جەتكىزىلدى. ولاردىڭ ىشىندە 1985 جىلى تۋعان ناۋقاستىڭ جاعدايى وتە اۋىر بولعاندىقتان, دەرەۋ جانساقتاۋ بولىمىنە جاتقىزىلىپ, جاساندى تىنىس الۋ اپپاراتىنا قوسىلدى. وكىنىشكە قاراي, ناۋقاس 3 تامىز كۇنى تاڭعى ساعات 08:40-تا قايتىس بولدى. 1990 جىلى تۋعان ەكىنشى ناۋقاسقا جابىق باس سۇيەك-مي جاراقاتى, باس ميىنىڭ شايقالۋى, كەۋدە قۋىسىنىڭ زاقىمدانۋى دياگنوزى قويىلدى. قازىر ونىڭ جاعدايى ورتاشا اۋىرلىقتا, ديناميكاسى تۇراقتى. ءۇشىنشى ناۋقاس جانساقتاۋ بولىمىندە جاتىر, ونىڭ جاعدايى وتە اۋىر», دەپ حابارلادى وبلىستىق دەنساۋلىق ساقتاۋ باسقارماسىنان.
ەسكە سالا كەتسەك, ىلە اۋدانىنداعى «ەڭبەك-قۇيعان» تەمىرجول وتكەلىندە جۇك پويىزى مەن «اudi 100» اۆتوكولىگى سوقتىعىسقان.
