مىسالى, سارىارقا اۋدانىندا - 860 اقىلى تۇراق ورنى, الماتى اۋدانىندا – 325, بايقوڭىر اۋدانىندا – 107, ەسىل اۋدانىندا 388 تۇراق ورنى جينالدى.
ايتا كەتۋ كەرەك, اقىلى تۇراق ورىندارى ورنالاسقان ۋچاسكەلەر قالا مەنشىگىندە. جوبا قالانىڭ كولىك ستراتەگياسىنىڭ ءبىر بولىگى, تۇراق ورىندارىنىڭ تاپشىلىعى پروبلەماسىن شەشۋگە مۇمكىندىك بەرەدى, اۆتوموبيل ترافيگىن رەتتەيدى, جاياۋ جۇرگىنشىلەردىڭ قاۋىپسىزدىك دەڭگەيىن ارتتىرۋعا ىقپال ەتەدى جانە ت.ب. جوبانىڭ باستى ماقساتى – كوشەلەردىڭ وتكىزۋ قابىلەتىن ارتتىرۋ جانە جول-كولىك وقيعالارىنىڭ سانىن ازايتۋ.
«استانانىڭ تۇراق كەڭىستىگى» جشس اتاپ وتكەندەي, الەمدىك تاجىريبە تۇراق ورىندارىن باسقارۋدىڭ ءتيىمدى جۇيەلەرى تۇراق كەڭىستىكتەرىنىڭ جۇكتەمەسىن 40-50% - عا تومەندەتەتىنىن, جول جەلىسىنە جۇكتەمەنى 20-30% - عا ازايتاتىنىن جانە ەڭ باستىسى, قالانىڭ پروبلەمالىق اۋداندارىندا جول قوزعالىسى ەرەجەلەرىن بۇزۋ سانىن 70% - عا دەيىن قىسقارتاتىنىن دالەلدەدى.
اقىلى اۆتوتۇراقتار اشىلعانعا دەيىن نۇر-سۇلتان قالاسىنىڭ ورتالىق اۋداندارىنىڭ جۇكتەمەسى 150-175% - دى قۇرادى. جۇمىس كۇندەرىندەگى رەتتەلمەيتىن تۇراقتاردىڭ اينالىمى تەك 1-2 ءاۆتوموبيلدى قۇرادى. بۇل اۆتوكولىك اۋەسقويلارى تەگىن تۇراق ورىندارىن تەرىس پايدالانعانىن, كولىكتەرىن ۇزاق ۋاقىت, كەيدە ءبىر كۇن نەمەسە ءتىپتى بىرنەشە كۇن قالدىرعانىن, وسىلايشا باسقا قاتىسۋشىلار ءۇشىن قوزعالىستى قيىنداتقانىن كورسەتەدى. بۇگىندە جاعداي 3-4 جىل بۇرىنعىعا قاراعاندا الدەقايدا جاقسى.
بۇل رەتتە تۇراق ورىندارىنىڭ 10% - ى مۇگەدەكتەردىڭ جانە ولاردى تاسىمالدايتىن ادامداردىڭ كولىك قۇرالدارىن تەگىن ورنالاستىرۋعا ارنالعان, جەڭىلدىكتى ساناتتارعا سايكەس كەلمەيتىن قالعان بارلىق ازاماتتار ءۇشىن اقىلى ايماقتاردا تۇراق كۇن سايىن ساعات 20:00-دەن كەيىن, سونداي-اق دەمالىس جانە مەرەكە كۇندەرى تەگىن بولادى.
