«قوقىس پەن رۇقسات ەتىلمەگەن پوليگوندار - ءبىزدىڭ ۇرپاقتىڭ وزەكتى ماسەلەسى. قوسىمشا بيىل «شەلل قازاقستان» كومپانياسىنىڭ جانە ازاماتتىق باستامالاردى قولداۋ ورتالىعىنىڭ قولداۋىمەن ىسكە اسىرىلعان «EcoBatys» جوباسى اياسىندا ىسكە قوسىلدى. كەز كەلگەن Android قولدانۋشىسى «ەكو-ساقشى» قوسىمشاسىن جۇكتەي الادى. بۇل قوسىمشادا رۇقسات ەتىلمەگەن پوليگونعا شاعىم تۇسىرۋگە مۇمكىندىك بەرەتىن ءبولىم بار. ەشبىر ءوتىنىش نازاردان تىس قالمايدى», دەدى جوبا مەنەدجەرى قاسيەت بالمولدا.
شاعىم تۇسكەننەن كەيىن ەرىكتىلەر اكىمدىكتەرمەن بىرلەسىپ, رۇقسات ەتىلمەگەن پوليگوندى جوياتىن ەكو-جاساقتى قۇرادى.
قاسيەت بالمولدانىڭ ايتۋىنشا, بۇگىنگى تاڭدا باتىس قازاقستان وبلىسىنىڭ زاچاگانسك جانە دەركول ەلدى مەكەندەرىندە رۇقسات ەتىلمەگەن 6 ورىندا قوقىس ۇيىندىلەرى انىقتالىپ, جويىلدى. ولاردىڭ جويىلعانىن قوسىمشانىڭ تسيفرلىق كارتاسىنان كورۋگە بولادى.
«ەكو-ساقشى» قوسىمشاسىنىڭ ارقاسىندا باتىس قازاقستان وبلىسى مەن ورال قالاسىنىڭ اۋماعىنداعى بارلىق رۇقسات ەتىلمەگەن قوقىس ورىندارى مەن جيناقتالعان ەكولوگيالىق زياننىڭ ەڭ قاۋىپتى وبەكتىلەرى جويىلادى دەپ كۇتىلۋدە.
«رۇقسات ەتىلمەگەن قوقىس ۇيىندىلەرى - بۇل تەك مەملەكەتتىك ورگاندار عانا ەمەس, ايماق تۇرعىندارىنىڭ وزدەرى دە شەشۋى ءتيىس ماسەلە. قوقىس - ينفەكتسيانىڭ وشاعى. بەي-جاي قالۋ مۇمكىن ەمەس. سوندىقتان دا مەن بۇل قوسىمشانى جۇكتەپ الىپ, ونى بارلىق تانىستارىما قولدانۋعا كەڭەس بەرەمىن», دەدى ورال قالاسىنىڭ تۇرعىنى ەلەنا شاروۆا.
ءموبيلدى قوسىمشا Play Market-تە قولجەتىمدى. ازىرلەۋشىلەردىڭ ايتۋىنشا, «ەكو-ساقشى» قوسىمشاسى جاقىن ارادا AppStore-دا قولجەتىمدى بولادى.
