بيىل جەرگىلىكتى جولداردىڭ ساپاسىنا باقىلاۋ جۇرگىزۋ بارىسىندا 9 مىڭعا جۋىق سىناما الىندى, ولاردىڭ 2,5 مىڭ سىناماسى نەمەسە 28%-ى تالاپتارعا سايكەس كەلمەدى.
ءمينيستردىڭ ايتۋىنشا, سايكەسسىزدىك شىمكەنت, الماتى, تۇركىستان جانە شىعىس قازاقستان, باتىس قازاقستان, ماڭعىستاۋ وبلىستارىندا تابىلدى.
«ەسكەرتۋلەرگە قاراماستان, تاپسىرىس بەرۋشىلەر وبەكتىلەردى پايدالانۋعا قابىلداۋدى جالعاستىرۋدا. مۇنداي فاكتىلەر بويىنشا جەكەلەگەن وڭىرلەردە قىلمىستىق ىستەر قوزعالدى», دەپ اتاپ ءوتتى قايىربەك وسكەنباەۆ ۇكىمەت وتىرىسىندا.
اقتوبە وبلىسىندا ساپا ورتالىعىنىڭ ەسكەرتۋلەرىنەن كەيىن جولدى ساپاسىز ورىنداۋ جانە قابىلداۋ فاكتىسى بويىنشا قىلمىستىق ءىس قوزعالدى.
وسكەنباەۆ بۇل رەتتە قارجىلاندىرۋدى تەپە-تەڭ ءبولۋ ماسەلەسى وتكىر تۇرعانىن اتاپ ءوتتى. جەكەلەگەن سالالار بۇل تالاپتاردى ساقتامايدى.
«مىسالى, مەملەكەت باسشىسىنىڭ جەرگىلىكتى جولداردى دامىتۋ تۋرالى تاپسىرماسىنا قاراماستان, باتىس قازاقستان وبلىسىندا اۆتوجولداردىڭ جاعدايىن جاقسارتۋدىڭ تومەن قارقىنى بايقالادى. وتكەن جىلدىڭ قورىتىندىسى بويىنشا ءوڭىر جولدارىنىڭ نورماتيۆتىك جاعدايى 39%-دى قۇرادى, ورتاشا رەسپۋبليكالىق ءمانى 80%. سونىمەن قاتار باتىس قازاقستان وبلىسىنىڭ اكىمدىگىنە وسى جىلى جولدارعا 2,6 ملرد تەڭگە ءبولىندى, بۇل بارلىق بيۋدجەتتىڭ 10%-ىن قۇرايدى», دەدى قايىربەك وسكەنباەۆ.
يندۋستريا مينيسترلىگىنىڭ باسشىسى پرەمەر-مينيسترگە وسى ايدىڭ سوڭىنا دەيىن اۆتوجول جوبالارىندا ساپا مەن باقىلاۋدى كۇشەيتۋ جونىندەگى ۇسىنىستاردى جەكە تانىستىرۋعا ۋادە بەردى.
