قيعاش وزەنىنە دەيىن اقتوبە – اتىراۋ – رەسەي شەكاراسى جولىمەن عانا جەتۋگە بولادى. اراقاشىقتىق – 300 شاقىرىمعا جۋىق.
– وزەن ساعاسىنداعى لوتوس وسكەن القاپقا قايىقسىز جەتۋ مۇمكىن ەمەس. گۇلدىڭ حوش ءيىسى مۇرنىڭدى جارادى. سۋ بەتىندە گۇلدەپ تۇرعان لوتوستىڭ ادەمىلىگىن تەك كوزبەن كورۋ كەرەك. سۋدىڭ ۇستىنە قىزىل كىلەم جايىپ قويعانداي اسەر بەرەدى, – دەيدى سيرەك كەزدەسەتىن گۇل القابىنا بارعان سامات ءامانالى ۇلى.
ەلىمىزدە قيعاش وزەنىنىڭ ساعاسىندا عانا گۇلدەيتىن لوتوستىڭ ءتۇسى – قىزعىلت. بۇل گۇل باتپاقتى, سۋلى جەردەگى بەس مىڭ گەكتارعا جۋىق اۋماقتا وسەدى. بيىكتىگى 1,5 مەترگە دەيىن جەتەدى. سۋ ورتاسىندا گۇلدەيتىن لوتوس تاڭەرتەڭ قاۋىزىن اشىپ, كەشكە قايتا جابادى. تاڭەرتەڭ سۋ بەتىندە قاۋىزىن اشقاندا قۇرعاق بولىپ تۇرادى.
بۇل گۇلدى ۇندىستەر مەن ۆەتنامدىقتار تازالىقتىڭ سيمۆولى رەتىندە باعالايدى ەكەن. ءتىپتى ونىڭ ەمدىك قاسيەتى تۋرالى دەرەك بار. تۇقىمىنداعى اقۋىز بۇيرەك پەن كوكباۋىر, جۇرەك اۋرۋى مەن ۇيقىسىزدىقتى ەمدەۋگە قولدانىلادى.
الايدا لوتوس گ ۇلىن جۇلۋعا بولمايدى. ويتكەنى بۇل گۇل ەلىمىزدەگى سيرەك كەزدەسەتىن وسىمدىكتەردىڭ تىزىمىنە ەنگىزىلگەن.
اتىراۋ وبلىسى
