قارالى حاباردى م.اۋەزوۆ اتىنداعى اكادەميالىق دراما تەاتر ۇجىمى جەتكىزدى.
«قازاق مادەنيەتى مەن ونەرى ورنى تولماس قازاعا ۇشىرادى. عابيت مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭ اكتريساسى, قازاق ساحنا ونەرىنىڭ ساڭلاعى, قر حالىق ءارتىسى روزا اشىربەكوۆا 85 جاسقا قاراعان شاعىندا ومىردەن وزدى. م.اۋەزوۆ اتىنداعى قازاق ۇلتتىق دراما تەاترىنىڭ ۇجىمى مارقۇمنىڭ جانۇياسىنا, جاقىندارى مەن كۇللى قازاق ەلىنە قايعىرا وتىرىپ كوڭىل ايتادى. ءسىزدىڭ جارقىن بەينەڭىز كوپ كوڭىلىندە ۇزاققا ساقتالارى انىق, دەپ جازىلعان م.اۋەزوۆ اتىنداعى اكادەميالىق دراما تەاترىنىڭ حاتىندا.
روزا اشىربەكوۆا 60 جىلدان اسا ۋاقىت ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىندا ەڭبەك ەتتى. اكتريسانىڭ العاشقى رولدەرىنىڭ ءبىرى – ب.تاجىباەۆتىڭ «قاراگوز قارىنداسىم» سپەكتاكلىندەگى اننا بەينەسى.
تەاتر ساحناسىندا سومداعان ءلاززات (ت.احتانوۆتىڭ «ماحاببات مۇڭىندا»), حاديشا, سەيدە (ش.ايتماتوۆتىڭ «ارمانىم اسەلىمى» مەن «بەتپە-بەتىندە»), شافاق (م.كارىمنىڭ «اي تۇتىلعان تۇنىندە»), گەرترۋدا (ۋ.شەكسپيردىڭ «گاملەتىندە»), گياتسينتا (مولەردىڭ «سكاپەننىڭ ايلاسىندا»), اركادينا (ا.چەحوۆتىڭ «شاعالاسىندا»), كلەوپاترا لۆوۆنا (ا. وستروۆسكيدىڭ «ادام الاسى ىشىندەسىندە») رولدەرى روزا اشىربەكوۆانىڭ كاسىبي شەبەرلىگىن تانىتىپ, قازاق ساحنا ونەرى تاريحىنداعى شوقتىعى بيىك بەينەلەرگە اينالدى.
