بقو دەنساۋلىق ساقتاۋ باسقارماسىنىڭ مالىمەتىنشە, وقيعا بۇگىن تاڭعى ساعات 07.50-دە اقجايىق اۋدانى اۋماعىندا بولدى.
«ورال-اتىراۋ جولىندا تايپاق اۋىلى تۇسىندا جۇرگىزۋشى رۋلگە يە بولا الماي, اۆتوكولىك اۋدارىلعان. سالدارىنان 2013 جىلعى بالا وقيعا ورنىندا كوز جۇمدى. كولىك جۇرگىزۋشىسى مەديتسينالىق كومەكتەن باس تارتتى. جول اپاتىنان تاعى ەكى ادام زارداپ شەكتى. الدىن الا مالىمەت بويىنشا 1976 جىلعى ايەل باس پەن ميدىڭ جابىق جاراقاتىن الىپ, ميى شايقالعان, سول اياعى جىرىلعان. 1996 جىلعى قىز دا باس پەن ميدىڭ جابىق جاراقاتىن الىپ, ميى شايقالعان, وعان قوسا جۇمساق تىندەرى كوگەرگەن», دەپ حابارلادى ۆەدومستۆودان.
