قازاقستان بويىنشا جىلۋ ەنەرگياسىن ەسەپتەۋ قۇرىلعىلارى جوق تۇتىنۋشىلار ءۇشىن جىلۋمەن جابدىقتاۋ قىزمەتتەرىنىڭ قۇنىن قايتا ەسەپتەۋ جۇمىسى اياقتالدى. قاراجاتتى قايتارۋ جۇيەسى جاڭا جىلىتۋ ماۋسىمىندا (2022-2023 جىلدار) اۆانس رەتىندە نەمەسە 2022 جىلدىڭ سوڭىنا دەيىن دەربەس شوتتا كورسەتىلەدى.
«تابيعي مونوپوليا سۋبەكتىسى سىرتقى اۋانىڭ ناقتى تەمپەراتۋراسىن ەسكەرە وتىرىپ, جىلۋ ەنەرگياسىمەن جابدىقتاۋ جونىندەگى قىزمەتتىڭ قۇنىن تىكەلەي تۇتىنۋشىلارعا نە تۇتىنۋشىنىڭ ورنالاسقان جەرىن انىقتاۋ مۇمكىن بولماعان جاعدايدا, جىلۋ ەنەرگياسىمەن جابدىقتاۋ جونىندەگى قىزمەتكە اقى تولەۋ كەزىندە ءتاريفتى تومەندەتۋ جولىمەن قايتا ەسەپتەۋدى جۇرگىزۋگە مىندەتتى.
2021-2022 جىلداردا جىلۋمەن جابدىقتاۋ سالاسىندا قىزمەت كورسەتەتىن تابيعي مونوپوليالار سۋبەكتىلەرى ەسەپتەۋ قۇرىلعىلارى جوق تۇتىنۋشىلار ءۇشىن ققس-تى ەسكەرە وتىرىپ, جالپى سوماسى 489 ميلليون 950,2 مىڭ تەڭگە جىلۋ ەنەرگياسى ءۇشىن تولەماقىعا قايتا ەسەپتەۋ جۇرگىزدى», دەپ جازىلعان حابارلامادا.
- الماتى قالاسى بويىنشا – 40 935 520 تەڭگە;
- نۇر-سۇلتان قالاسى بويىنشا – 1 755 990 تەڭگە;
- شىمكەنت قالاسى بويىنشا – 27 698 240 تەڭگە;
- الماتى وبلىسى بويىنشا – 9 284 560 تەڭگە;
- اقمولا وبلىسى بويىنشا – 20 338 930 تەڭگە;
- اتىراۋ وبلىسى بويىنشا – 8 275 780 تەڭگە;
- اقتوبە وبلىسى بويىنشا – 20 185 000 تەڭگە;
- شىعىس قازاقستان وبلىسى بويىنشا – 186 251 070 تەڭگە;
- جامبىل وبلىسى بويىنشا – 16 585 480 تەڭگە;
- باتىس قازاقستان وبلىسى بويىنشا – 786 580 تەڭگە;
- قاراعاندى وبلىسى بويىنشا – 81 306 480 تەڭگە;
- قوستاناي وبلىسى بويىنشا – 4 449 030 تەڭگە;
- قىزىلوردا وبلىسى بويىنشا – 38 824 760 تەڭگە;
- پاۆلودار وبلىسى بويىنشا – 3 138 510 تەڭگە;
- سولتۇستىك قازاقستان وبلىسى بويىنشا – 26 648 420 تەڭگە;
- تۇركىستان وبلىسى بويىنشا – 3 485 900 تەڭگە.
بۇل رەتتە ماڭعىستاۋ وبلىسىنىڭ تۇتىنۋشىلارى ءۇشىن قايتا ەسەپتەۋ بولمايدى, سەبەبى جىلۋ ەنەرگياسىمەن جابدىقتاۋ بويىنشا رەتتەلىپ كورسەتىلەتىن قىزمەتتىڭ قۇنى سىرتقى اۋانىڭ ناقتى تەمپەراتۋراسىن ەسەپكە الۋعا سايكەس جۇرگىزىلگەن.
