جەرگىلىكتى پوليتسيا بولىمىنە ارىزدانعان ايەلدىڭ ايتۋىنشا, تانىسى سەنىمىنە كىرىپ, 16 130 000 تەڭگە اقشاسىن جانە 2 ملن تەڭگەگە باعالاناتىن التىن اشەكەيلەرىن الداپ الىپ كەتكەن.
«اتالعان جايتتى پوليتسيا قىزمەتكەرلەرى قر قك-ءنىڭ 190-بابى (الاياقتىق) بويىنشا تىركەۋگە الدى. جەدەل-ىزدەستىرۋ شارالارىنىڭ ناتيجەسىندە وسى قىلمىسقا قاتىسى بار كۇدىكتى ۇستالدى. ول جەرگىلىكتى تۇرعىن بولىپ شىقتى. كۇدىكتى جابىرلەنۋشىدەن العان اقشا مەن اشەكەي بۇيىمداردى باس پايداسىنا جاراتىپ جىبەرگەن», دەلىنگەن حابارلامادا.
پوليتسەيلەر ونىڭ باسقا دا قىلمىستارعا قاتىسى بار-جوعىن انىقتاۋدا.
قازىرگى ۋاقىتتا سوتقا دەيىنگى تەرگەۋ امالدارى جۇرگىزىلۋدە.
