شقو پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, جول-كولىك وقيعاسى 30 تامىز كۇنى ءتۇس كەزىندە «وسكەمەن-ريددەر» تاسجولىنىڭ 10-شاقىرىمىندا بولعان.
«Toyota Crown» كولىگىن تىزگىندەپ كەلە جاتقان 25 جاستاعى ەر ادام رۋلگە يە بولا الماي قالدى. سونىڭ سالدارىنان كولىك جىراعا قۇلاپ, جۇرگىزۋشى وقيعا ورنىندا ءتىل تارتپاي كەتتى. ال ءتۇرلى دەڭگەيدەگى دەنە جاراقاتتارىن العان ەكى جولاۋشى اۋرۋحاناعا جەتكىزىلدى», دەپ حابارلادى ۆەدومستۆو وكىلدەرى.
قازىرگى ۋاقىتتا اتالعان فاكتى بويىنشا قازاقستان رەسپۋبليكاسى قىلمىستىق كودەكسىنىڭ 345-بابىنا (ابايسىزدا ادام ولىمىنە اكەپ سوققان جول قوزعالىسى ەرەجەلەرىن بۇزۋ) سايكەس سوتقا دەيىنگى تەرگەۋ امالدارى باستالدى.
بىرقاتار سوت-مەديتسينالىق ساراپتاما تاعايىندالىپ, سونىڭ قورىتىندىسى بويىنشا پروتسەسسۋالدىق شەشىم قابىلدانادى.
