«29 شىلدە كۇنى ساعات 21:00 شاماسىندا اۆتوپارك بويىنشا تاۋلىكتىك كەزەكشىلىكتە تۇرعان قاتارداعى جاۋىنگەر ن.ا.ورازباي كەزەكشىدەن دارەتحاناعا سۇرانىپ كەتەدى. ءبىرشاما ۋاقىتتان كەيىن ونى شاقىرىپ كەلۋگە شىققان كەزەكشى سارباز اۆتوپارك اۋماعىندا ورنالاسقان قويما ىشىندە ن.ا.ورازبايدىڭ اسىلىپ تۇرعانىن كورەدى. اۆتوپاركتىڭ كەزەكشى قىزمەتى ن.ا.ورازبايعا جەدەل مەديتسينالىق كومەك كورسەتىپ, سانيتارلىق كولىكپەن ستەپنوگور ورتالىق قالالىق اۋرۋحاناسىنا جەتكىزەدى. دەگەنمەن اۋرۋحانا دارىگەرلەرى ساربازدىڭ قايتىس بولعانىن راستادى», دەپ ءمالىم ەتتى ۆەدومستۆونىڭ ءباسپاسوز قىزمەتىنەن.
قۇزىرلى ورگان اقپاراتى بويىنشا, مارقۇم ورازباي ن.ا. 1995 جىلى تۋعان.
ۇلتتىق ۇلان قاتارىنا 2021 جىلدىڭ كۇزىندە جەتىسۋ وبلىسىنىڭ پانفيلوۆ اۋدانى قورعانىس ىستەرى جونىندەگى ءبولىمى ارقىلى شاقىرىلعان.
قازىر ۋاقىتتا وقيعانىڭ ءمان-جايى انىقتالىپ, تەرگەۋ جۇمىستارى ءجۇرىپ جاتىر. الدىن الا دەرەك نەگىزىندە «ورتالىق» وڭىرلىك قولباسشىلىعىنىڭ مالىمدەۋىنشە, قول جۇمساۋ فاكتىسى اسكەري قىزمەتپەن بايلانىستى ەمەس.
