قايىرىمدىلىق ءىس-شارا بايقوڭىر اۋدانىندا اۋداندىق اكىمدىك وكىلدەرى مەن ءماسليحات دەپۋتاتتارىنىڭ قاتىسۋىمەن باستالدى.
بيىل اكتسيا بالالار جىلى اياسىندا وتكىزىلەدى. وعان دەمەۋشىلەر مەن قامقور ازاماتتار بەلسەندى قاتىسادى. جىل سايىنعى ءىس-شارا جاڭا وقۋ جىلىنا دايىندىق كەزەڭىندە حالىقتىڭ الەۋمەتتىك وسال ساناتىنداعى بالالارعا كومەك كورسەتۋگە باعىتتالعان.
«بۇگىن ءبىز از قامتىلعان جانە مۇقتاج وتباسىلارعا ارنالعان جىل سايىنعى «مەكتەپكە جول« رەسپۋبليكالىق اكتسياسىن باستادىق. ول 30 قىركۇيەككە دەيىن جالعاسادى.
بوكستار بايقوڭىر اۋدانىنىڭ ءۇش نۇكتەسىندە ورناتىلدى: «الەم«, «ايماكتاۋ« جانە «جاننۇر« ءسۇ. قايىرىمدىلىق اكتسياسىنا قولداۋ كورسەتكىسى كەلەتىندەر قاجەتتى زاتتاردى, مەكتەپ فورماسىن, مەكتەپكە ارنالعان كەڭسە تاۋارلارىن الا الادى, ولار از قامتىلعان وقۋشىلارعا تاراتىلادى. ءبىز تۇرعىنداردى يگى ءىستى قولداۋعا جانە وعان قاتىسۋعا شاقىرامىز», دەپ اتاپ ءوتتى بايقوڭىر اۋدانىنىڭ اكىمى ەرلان جاۋلىباەۆ. اكتسياعا قاتىسۋ ءۇشىن مۇقتاج اتا-انالار ءوز مەكتەبىنىڭ الەۋمەتتىك پەداگوگتارىنا جۇگىنۋى ءتيىس, ولار اۋدان اكىمدىگىنە تىزىمدەردى قالىپتاستىرادى جانە جىبەرەدى.
ەسكە سالا كەتەيىك, وتكەن جىلى اتالعان اكتسيا اياسىندا 750-دەن استام بالا قامتىلسا, اعىمداعى جىلى اۋدان اكىمدىگى 1000-عا جۋىق بالانى مەكتەپكە قاجەتتى بارلىق زاتتارمەن قامتاماسىز ەتۋدى جوسپارلاپ وتىر.
جاقسى ءداستۇر اياسىندا اۋدان اكىمى اپپاراتى «مەكتەپكە جول-2022» برەندتەلگەن قايىرىمدىلىق ۇيلەرىن ورناتتى. بۇگىن بۇل «ۇيلەر» بايقوڭىر اۋدانى اكىمى مەن قالالىق ءماسليحات حاتشىسىنىڭ مەكتەپكە قاجەتتى زاتتارى بار العاشقى ريۋكزاكتارمەن تولىقتىرىلدى.
