مەكتەپكە دەيىنگى ءبىلىم بەرۋ مينيسترلىگىنىڭ ءباسپاسوز قىزمەتى وقيعاعا بايلانىستى پىكىر ءبىلدىردى.
28 شىلدە كۇنى مەكتەپكە دەيىنگى ءبىلىم بەرۋ مەكەمەسىنە 8 جاسار بالا بالاباقشاعا قابىلدانباعان سىڭلىسىمەن بىرگە كەلگەن.
مينيسترلىكتىڭ مالىمەتىنشە, تاربيەشى اتا-اناسىنىڭ ءوتىنىشى بويىنشا 8 جاسار بالانى بالاباقشاعا قالدىرعان. باسقارما مۇنىڭ زاڭسىز ەكەنىن راستادى.
تۇسكى اس كەزىندە ولار اجەتحاناعا بارعان. قىزداردىڭ ءبىرى اجەتحاناعا كىرگەندە ەكىنشىسى اجەتحانانىڭ ەسىگىمەن ويناپ تۇرعان. سالدارىنان دارەتحانا ەسىگىنىڭ اينەگى سىنىپ, شىنى سىنىقتارى قىزداردىڭ ءبىرىن اۋىر جاراقاتتاعان.
وقيعادان حاباردار بولعان مەكەمە مەدبيكەسى تەز ارادا العاشقى مەديتسينالىق كومەك كورسەتكەن. الايدا جارانىڭ تەرەڭدىگىنە بايلانىستى قىز بالا كوپ قان جوعالتىپ, كوز جۇمعان.
قازىرگى ۋاقىتتا شاحريسابز قالاسىنىڭ پروكۋراتۋراسى وقيعانىڭ ءمان-جايىن انىقتاپ جاتىر.
