«نۇر-سۇلتان قالاسى الماتى اۋدانىنىڭ №2 اۋداندىق سوتى «قازپوشتا» اق-نان اسا ءىرى مولشەردە اقشا جىمقىردى دەپ تانىلعان ب., ج., د. جانە ل. ەسىمدى ازاماتتاردى 6 جىلدان 6 جىل 6ايعا دەيىن باس بوستاندىعىنان ايىرۋ جازاسىنا كەستى. بۇل ينتەرنەت-قىلمىسى 2020 جىلى جاسالعان. وسى الاياقتىقتىڭ سالدارىنان كومپانياعا جالپى سوماسى 294 ميلليون تەڭگەدەن استام زالال كەلتىرىلدى, ونىڭ ىشىندە «قازپوشتا» اق قىزمەتكەرلەرىنىڭ قابىلداعان شارالارى ارقاسىندا قولدى بولعان قاراجاتتىڭ ءبىر بولىگى – 72,3 ملن تەڭگە سەرىكتەستىككە قايتارىلدى.
وسى اقپارات ارقىلى سوتتالعانداردىڭ قازپوشتا قىزمەتكەرلەرى ەمەستىگىن جانە ەشقاشان مۇندا جۇمىس ىستەمەگەنىن اتاپ وتكىمىز كەلەدى. قازپوشتا – بۇل قىلمىستىق ىستەر بويىنشا جابىرلەنۋشى تاراپ», دەلىنگەن حابارلامادا.
قازىر ماتەريالدىق شىعىن سوماسىن ءوندىرىپ الۋ ماسەلەسى ازاماتتىق سوت ءىسىن جۇرگىزۋ اياسىندا شەشىلىپ جاتىر.
سوتقا دەيىنگى تەرگەۋ ناتيجەلەرى بويىنشا, «قازپوشتا» اق كيبەرقاۋىپسىزدىكتى قامتاماسىز ەتۋ جانە اقپاراتتىق جۇيەلەردى قورعاۋدى كۇشەيتۋ بويىنشا ءتيىستى شارالار قابىلداعان.
