بەلارۋس سىرتقى ىستەر مينيسترلىگى ۇلىبريتانياداعى ەلشىسىن كەرى شاقىرىپ الىپ, لوندونداعى بەلارۋس ديپلوماتيالىق ميسسياسىنىڭ دەڭگەيىن ۋاقىتشا سەنىمدى وكىلگە دەيىن تومەندەتۋ تۋرالى شەشىم قابىلدادى.
سونداي-اق حابارالامادا «حالقىمىزعا, كاسىپورىنداردىڭ قىزمەتكەرلەرىنە, بەلارۋس ەكونوميكاسى مەن قارجى جۇيەسىنە قارسى بۇرىن-سوڭدى بولماعان سانكتسيالاردى ەنگىزۋ, بەلارۋس جۋرناليستەرى مەن بۇقارالىق اقپارات قۇرالدارىنىڭ جۇمىسىن شەكتەۋ, بەلاۆيا اۋە كومپانياسىنىڭ ۇشۋىنا نەگىزسىز تىيىم سالۋ, ەرىكتى ەقىۇ پارلامەنتتىك اسسامبلەياسىنىڭ وتىرىسىنا بەلارۋس پارلامەنتشىلەرىنە ۆيزا بەرۋدەن باس تارتۋ جانە وسى كەزەڭدە باسقا دا زاڭسىز شەكتەۋ شارالارى تولىققاندى ديالوگقا مۇمكىندىك بەرمەيدى» دەگەن جولدار بار.
ء«بىز بۇل ەلگە قارسى ەشقانداي قادام جاساعان جوقپىز جانە بۇرىنعىداي ءوزارا سىيلاستىققا نەگىزدەلگەن سىندارلى ديالوگتى جاقتايمىز. اعىمداعى ىشكى ساياسي شوۋ اياقتالىپ, ۇلىبريتانيا ۇكىمەتىندە وزدەرىنىڭ جەكە رەيتينگى ءۇشىن ەمەس, ۇلىبريتانيا حالقىنىڭ يگىلىگى مەن ەۋروپا ايماعىنداعى تۇراقتىلىق مۇددەسى ءۇشىن جۇمىس ىستەيتىن جاۋاپتى ساياساتكەرلەر پايدا بولعاننان كەيىن, ديالوگتى قالپىنا كەلتىرۋدى جانە تولىققاندى ديپلوماتيالىق قاتىناستاردى جالعاستىرامىز», دەدى ءسىم.
