ء«بىز الەۋمەتتىك كودەكس اياسىندا بالا كۇتىمىنە بەرىلەتىن مەملەكەتتىك جاردەماقى مەرزىمىن 1 جىلدان 1,5 جىلعا ۇزارتۋدى ۇسىنىپ وتىرمىز. قوردىڭ قىزمەتى الەۋمەتتىك جاردەماقىنى تولەۋمەن عانا شەكتەلمەيدى. ءبىز جالپى جۇيەنىڭ, ونىڭ ىشىندە قارجى تۇراقتىلىعىن ساقتاۋعا جاۋاپتىمىز. جالپى الەۋمەتتىك مىندەت - ۇزاقمەرزىمدى شارۋا. دەگەنمەن ءدال قازىر بالا كۇتىمىنە بايلانىستى جاردەماقىنى تاعايىنداۋ مەرزىمىن ۇزارتۋعا قاتىستى ناقتى ەشتەڭە ايتا المايمىن», دەدى نۇرسۇلۋ كەمەل.
ونىڭ ايتۋىنشا, قازىر اتالعان ماسەلە تالقىلانىپ جاتىر. قورىتىندى شەشىم كوپشىلىككە جاريالانادى.
«سونىمەن قاتار اسىراۋشىسىنان جانە ەڭبەك قابىلەتىنەن ايىرىلعان جاعدايدا بەرىلەتىن جاردەماقىنىڭ دا ماڭىزى زور. بۇگىندە اتالعان جاردەماقى ءتۇرىن 160 مىڭنان استام ادام الىپ وتىر», دەدى ول.
ايتا كەتەيىك, قازىر ەلىمىزدە 1 جاسقا دەيىنگى بالا كۇتىمىنە ارنالعان تولەمنىڭ ورتاشا مولشەرى - 41 مىڭ تەڭگە.
