«نەگىزگى ايىپتالۋشى وقيعا بولعان كۇنى ۇستالدى. قالعان ەكەۋى كەشە قولعا تۇسكەن. ۇشەۋى دە ۋۇي-عا قامالدى. جانجالدا پايدالانىلعان اتىس قارۋى (پومپالىق بەس وقتاۋلى مىلتىق) تاركىلەنىپ, زاتتاي دالەلدەمەلەر رەتىندە تەرگەۋ ماتەريالدارىنا قوسا تىگىلەدى. قىلمىستىق تەرگەۋ وبلىستىق دەپارتامەنت باسشىلىعىنىڭ ەرەكشە باقىلاۋىندا», دەدى الماتى وبلىسى پد باستىعىنىڭ ورىنباسارى ەلدار ابدىكەنوۆ.
تەرگەۋ قىلمىستىق زاڭنامانىڭ ءۇش بابى, اتاپ ايتقاندا «ادام ءولتىرۋ», «ادام ولتىرۋگە وقتالۋ» جانە «قارۋ قولدانۋمەن جاسالعان بۇزاقىلىق» بويىنشا جۇرگىزىلۋدە.
ەسكە سالا كەتسەك, 22-23 شىلدەگە قاراعان ءتۇنى ەسىك اۋرۋحاناسىنا وق جاراقاتتارىن العان 18 جانە 30 جاستاعى ەكى جەرگىلىكتى تۇرعىن جەتكىزىلدى, ولاردىڭ ءبىرى رەانيماتسيادا قايتىس بولدى.
كەيىنىرەك پوليتسيا ءىس بويىنشا نەگىزگى ايىپتالۋشى 30 جاستاعى ەر ادامنىڭ ۇستالعانىن حابارلادى.
