ۆاكتسينا الماعاندار اۋىرىپ جاتىر

وبلىستىق سانيتارلىق-ەپيدە­ميولوگيالىق باقىلاۋ دەپارتا­مەن­تى­نىڭ باسشىسى مادەنيەت تاناۋوۆتىڭ دەرەگىنە سۇيەنسەك, قاۋىپتى ۆيرۋسقا شالدىققان ادامداردىڭ جاس ەرەك­شە­لى­گىن ءارتۇرلى دەۋگە بولادى. ماسەلەن, 25 شىلدەدە كوروناۆيرۋس ينفەكتسياسىن جۇقتىرعان 61 ادامنىڭ اراسىندا 49 ەرەسەك تۇرعىن, 14 جاسقا دەيىنگى 12 ءجاسوسپىرىم بار. ال كەشە 68 ادامنان COVID-19 بەلگىسى انىقتالدى. اتاپ ايتقاندا, اتىراۋ قالاسىندا – 55, قىزىلقوعا اۋدانىندا – 5, ماحامبەتتە – 4, جىلىويدا – 3, قۇرمانعازى اۋدانىندا 1 ادام «جامان» تۇماۋدىڭ شىرماۋىنا ءىلىنىپ وتىر.

– قازىر كوروناۆيرۋس ينفەكتسيا­سى­نا شالدىققان 600 ادام ءوز ۇيىن­دە ەم-دوم قابىلداپ جاتىر. ال №2 وبلىستىق اۋرۋحانانىڭ ين­فەك­تسيالىق ستاتسيونارىندا 52, اۋدان­د­ارداعى ينفەكتسيالىق ستاتسيونار­لاردا 14 ناۋقاس ەم الۋ ءۇشىن وقشاۋ­لان­دى. شىلدە ايىنىڭ 18-24 كۇندەرى 322 ادامنان كوروناۆيرۋس ينفەك­تسيا­­سى راستالدى. دەمەك, بۇل دەرەك 100 مىڭ تۇرعىنعا شاققانداعى كورسەتكىشتىڭ 48,3 جاعدايىن قۇرادى. وتكەن اپتاداعى كورسەتكىشپەن سالىس­تىر­عاندا قاۋىپتى ۆيرۋسقا شالدىعۋ ەكى ەس­ەگە ءوسىپ وتىر. الايدا قىركۇيەك ايىن­دا بۇل كورسەتكىش 10 ەسە كوبەيىپ, تاۋلى­گىنە 600-800 ادامنان كوروناۆيرۋس ينفەكتسياسى انىقتالۋى مۇمكىن دەگەن بولجام بار, – دەدى م.تاناۋوۆ.

ال وبلىستىق دەنساۋلىق ساقتاۋ باسقارماسىنىڭ باسشىسى اسحان باي­دۋاليەۆتىڭ ايتۋىنشا, تۇرعىندار اراسىندا ۆاكتسينالاۋ مەن رەۆاكتسينالاۋ قارقىنى تومەندەگەنى بايقالادى. اتىراۋ وبلىسىندا ۆاكتسينا الاتىندار تىزىمىنە 365 760 ادام ەنگىزىلگەن.

– سوڭعى التى ايدا ۆاكتسينانىڭ ءبىرىنشى كومپونەنتىن العانداردىڭ سانى 2,4 ەسە تومەندەپ وتىر. ۆاك­تس­ينا­نىڭ ەكىنشى كومپونەنتىن سالدىر­عان­دار قاتارى 3,1 ەسە ازايعان. ال رەۆاكتسينالاۋدان وتەتىندەر ساناتىنا جاتاتىن ادامدار سانى – 250 601. بىراق بيىلعى ءبىرىنشى جارتىجىلدىقتا رەۆاكتسينالاۋ كورسەتكىشى 1,1 ەسە تومەندەدى. قازىر ينفەكتسيالىق ستا­تسيو­نارلاردا ەم الىپ جاتقان ناۋ­قاس­تاردىڭ 80 پايىزى – ۆاكتسينا ال­ما­عان ادامدار. سوندىقتان وسىنداي ادامداردىڭ اراسىندا قاۋىپتى ۆيرۋس­تى جۇقتىرۋ كورسەتكىشى كوبەيىپ تۇر, – دەيدى ا.بايدۋاليەۆ.

وبلىستىق دەنساۋلىق باسقار­ماسى ءباسپاسوز قىزمەتىنىڭ مالىمە­تىن­شە, 27 شىلدەدەگى دەرەككە ساي­كەس ۆاكتسينالاردىڭ ءبىرىنشى كومپو­نەن­تىن 272 943 ادام ەكتىرگەن. ۆاك­تسي­نا­لار­دىڭ ەكىنشى كومپونەنتىن 259 447 اتىراۋلىق سالدىرعان. قايتا ۆاكتسينالاۋدان 101 270 ادام وتكەن. Pfizer ەكپەسىنىڭ ءبىرىنشى كومپونەنتىن 18 374, ەكىنشى كومپونەنتىن 14 804 ادام العانى بەلگىلى بولىپ وتىر. ءدال وسى ۆاكتسينانى قايتالاپ سالدىرعاندار سانى 37 979 ادامدى قۇرادى.

اتىراۋ قالاسىنداعى №7 ەمحانا­دا ەكى ۆاكتسينا پۋنكتى بار. ونىڭ ءبىرى ەمحانادا, ەكىنشىسى «دينا» ساۋ­­دا ورتالىعىندا ورنالاسقان. ەمحانا ديرەكتورىنىڭ ورىنباسارى نۇرباقىت كوپجانوۆتىڭ ايتۋىنشا, وسى كەزگە دەيىن اتالعان پۋنكتتەردە ۆاكتسينانىڭ تولىق كومپونەنتىن 14 702 ادام سالدىرعان. ال رەۆاكتسينالاۋدان 5 702 ادام وتكەن.

– ءبىزدىڭ ەمحانانىڭ قويماسىندا ۆاك­تسينالاردىڭ 1 671 دوزاسى ساقتاۋ­لى تۇر. تامىز ايىندا ۆاكتسينانى تاعى دا العالى وتىرمىز. ەمحانا پۋنكت­­تەرىندە ۆاكتسينا سالدىرۋ قار­قى­­نى ۇدەي ءتۇستى. ماسەلەن, 25 شىل­دە­دە 173 ادام ۆاكتسينا سالدىردى. بۇعان قالاعا ستۋدەنتتەر مەن تالاپ­كەر­­لەر­دىڭ كوپ كەلۋى, تۇرعىن­دار­دىڭ شە­تەل­گە دەمالىسقا بارۋعا دايىندالۋى سەبەپ بولىپ وتىر, – دەيدى نۇرباقىت كوپجانوۆ.

اتىراۋ وبلىسى