قازاقستان قۇراماسى توپتىق كەزەڭدەگى ەكىنشى ويىنىن گرۋزيامەن وتكىزىپ, 7:1 ەسەبىمەن جەڭىسكە جەتتى.
ۆيتالي تيۋلپا ەكىنشى ويىن قاتارىنان ەسەپ اشىپ, قازاقستان قۇراماسىن العاشقى تايمدا العا شىعاردى. ءارى قاراي بايانبەك مۋرالينوۆ پەن دميتري پەرەۆەرتوۆ قوس-قوستان گول سوقتى. اسقار اجىكەنوۆتىڭ قايشىلاي تەپكەن گولى دا قاقپا تورىنان تابىلدى.
ويىن سوڭىنا قاراي گرۋزيا قۇراماسى قارىمتا گول سوققان. الايدا قازاقستان قۇراماسىنىڭ ويىنشىسى اڭسات مۇرات ۇلى كەزەكتى گولدى سوعىپ, ماتچ نۇكتەسىن قويدى. ەسەپ – 7:1.
قازاقستان – گرۋزيا – 7:1
گولدار: تيۋلپا, مۋرالينوۆ - 2, پەرەۆەرتوۆ - 2, اجىكەنوۆ, مۇرات ۇلى – دياكۆنيشۆيلي;
28.07.2022. ەۋروليگا, «ب» ديۆيزيونى.
نەگىزگى ستاديون. كيشينەۆ, مولدوۆا.
ايتا كەتەيىك, قازاقستان قۇراماسى العاشقى كەزدەسۋدە نورۆەگيانى 7:3 ەسەبىمەن ۇتقان بولاتىن. ءبىزدىڭ جىگىتتەر كەلەسى ويىنىن 29 شىلدە كۇنى گرەكيامەن وتكىزەدى. ويىن ەلوردا ۋاقىتىمەن 19:00-دە باستالادى.
