تەرگەۋ بارىسىندا ا.بازارحانوۆانىڭ 2013 – 2019 جىلدار ارالىعىندا ەمدىك دەنە شىنىقتىرۋعا بولىنگەن اقشا قاراجاتىن ۇرلاعانى, ياعني مەكتەپ ديرەكتورىنىڭ ساباق وتكىزبەستەن, وقۋ ساعاتتارىن جۇرگىزگەنى ءۇشىن اقى الىپ وتىرعانى انىقتالدى. ناتيجەسىندە بالالار بىلىكتى ەم الۋ قۇقىقتارىنان ايرىلعان.
بۇدان باسقا, ا.بازارحانوۆا ينتەرنات قىزمەتكەرلەرىنە قوسىمشا جۇمىس ىستەگەندەرى ءۇشىن اقى اۋدارىپ وتىرعان, كەيىننەن ولار ول اقشالاردى ەسەپ شوتتارىنان شەشىپ, بازارحانوۆاعا قايتارىپ بەرىپ وتىرعان. شىن مانىندە قىزمەتكەرلەر قوسىمشا جۇمىس اتقارماعان.
سونىمەن قاتار, ا.بازارحانوۆا ءوزىنىڭ تانىسىنا قارىزدى قايتارۋ ماقساتىندا ونىڭ جۇبايىن جۇمىسقا الدى. وسىلايشا, ءوزىنىڭ قارىزىن قايتارۋ ماقساتىندا جالعان جۇمىسقا ورنالاسۋشىعا 729 مىڭ تەڭگە ەڭبەكاقى تولەپ, بيۋدجەت قاراجاتىن تالان تاراجعا سالعان.
شىعىس قازاقستان وبلىستىق سوتىنىڭ قىلمىستىق ىستەر بويىنشا سوت القاسى ونىڭ ءوز كىناسىن مويىنداپ, شىعىندى تولىقتاي قايتارعانىن, ءجاسوسپىرىم بالاسىنىڭ بار ەكەنىن ەسكەرە وتىرىپ, ا.بازارحانوۆاعا 4 جىل باس بوستاندىعىنان ايىرۋ جازاسىن تاعايىندادى.
