وقيعا 19 شىلدەدە تاڭعى ساعات 4:30 شاماسىندا بولعان. قاراعاندى قالاسى پب جەدەل باسقارۋ ورتالىعىنا الدەكىمنىڭ ەر ادامدى پاتەردەن شىعارىپ, ونى كوپقاباتتى ءۇيدىڭ كىرەبەرىسىنە تاستاعانى تۋرالى حابارلاما تۇسەدى.
وقيعا ورنىنا قاراعاندى قالاسى پب جاڭا-مايقۇدىق پوليتسيا ءبولىمىنىڭ جەدەل-تەرگەۋ توبى بارادى. مايىتتەن كوپتەگەن دەنە جاراقاتى انىقتالعان. كوپ ۇزاماي ءتارتىپ ساقشىلارى جابىرلەنۋشىنىڭ جەكە باسىن انىقتاپ, ونىڭ 44 جاستاعى قالا تۇرعىنى ەكەنى بەلگىلى بولدى.
«كۋاگەرلەردەن سۇراستىرۋ بارىسىندا كوپقاباتتى ءۇي پاتەرلەرىنىڭ بىرىندە جابىرلەنۋشى مەن ونىڭ تانىسى 38 جاستاعى ەر ادامنىڭ اراسىندا جانجال تۋىنداعانى بەلگىلى بولدى. كۇدىكتى ۇستالىپ, تەرگەۋ ءۇشىن پوليتسيا بولىمىنە جەتكىزىلدى. ايتۋىنشا, جانجال بارىسىندا ول تانىسىن جاراقاتتاعان, ال ەسىنەن تانىپ قالعان كەزدە جابىرلەنۋشىنى پاتەردەن اۋلاعا شىعارعان», دەپ حابارلادى قاراعاندى وبلىسى پد ءباسپاسوز قىزمەتىنەن.
اتالعان فاكتىگە قاتىستى قر قك 106-بابى 3-بولىگى «ابايسىزدا جابىرلەنۋشىنىڭ ولىمىنە اكەپ سوققان دەنساۋلىققا قاساقانا اۋىر زيان كەلتىرۋ» بويىنشا قىلمىستىق ءىس قوزعالدى. تەرگەۋ امالدارى جۇرگىزىلىپ جاتىر.
