شقو تجد ءباسپاسوز قىزمەتىنىڭ مالىمەتىنە سۇيەنسەك, سىن ساعاتتا باتىل ارەكەت ەتكەن اسقار سايلاۋباەۆ, داۋلەت سايلاۋبەكوۆ, دامير مۇحاماديەۆ پەن سۇلتان تايجانوۆ ماراپاتقا يە بولدى. ولارعا توتەنشە جاعدايلار ءمينيسترىنىڭ بۇيرىعىمەن «سۋعا باتقانداردى قۇتقارعانى ءۇشىن» مەدالى جانە شىعىس قازاقستان وبلىسىنىڭ اكىمى دانيال احمەتوۆتىڭ قۇرمەت گراموتاسى بەرىلدى.
وقيعا 17 شىلدەدە ساعات 19:00 شاماسىندا ۇلان اۋدانىنداعى بۇقتىرما سۋ قويماسىنىڭ بويىنداعى «ايۋدا» دەمالىس بازاسىنان ءۇش شاقىرىم جەردە بولعان. جولاۋشىلار تاسىمالدايتىن كەمە قاتتى جەلدىڭ سالدارىنان سۋعا باتا باستاعان. كەمە «سادكو» دەمالىس بازاسىنان «ايۋدا» بازاسىنا قاراي بەت الىپ بارا جاتقان. سول كەزدە سكۋتەرمەن كەلە جاتقان 4 جىگىت كەمەنى بايقاپ, كومەككە ۇمتىلعان.
وبلىستىق توتەنشە جاعدايلار دەپارتامەنتىنىڭ باستىعى ەرلان نۇرپەيىسوۆ ەر ازاماتتارعا ماراپاتتاردى تابىس ەتتى.
«جاعدايدى باعالاۋعا ۋاقىت بولماعان وسىنداي قيىن ساتتە سىزدەر دۇرىس ءارى جەدەل ارەكەت ەتتىڭىزدەر. وسىلايشا, باتىلدىق پەن باتىرلىق كورسەتتىڭىزدەر. سونىڭ ارقاسىندا كوپتەگەن ادام قۇتقارىلدى», دەدى ە.نۇرپەيىسوۆ.
