تۇركىستان وبلىسى پد كريمينالدىق پوليتسيا باسقارماسىنىڭ قىزمەتكەرلەرى وڭىردەگى ۇلتتىق قاۋىپسىزدىك كوميتەتىمەن بىرلەسىپ, جەدەل-ىزدەستىرۋ ءىس-شارالارى بارىسىندا الاياقتىق جاسادى دەگەن كۇدىكپەن سارىاعاش اۋدانىنىڭ تۇرعىنىن قولعا ءتۇسىردى.
«ناقتىراق ايتساق, كريمينالدىق پوليتسيا باسقارماسىنا كەلەس اۋدانىنىڭ تۇرعىنى شاعىمدانىپ, باسشىسىنىڭ ۇستىنەن ارىز ءتۇسىردى. ارىزدا كورسەتىلگەندەي, مەكەمەدەگى ءبولىم باسشىسى قىزمەتتىك جاعدايىن پايدالانا وتىرىپ, ونىڭ جۇمىستا قالۋ مۇمكىندىگى ءۇشىن ۇلكەن كولەمدە اقشا تالاپ ەتكەن. اتالعان جايتتى پوليتسيا قىزمەتكەرلەرى قك-ءتىڭ 190-بابى 2-بولىگى (الاياقتىق) بويىنشا تىركەدى», دەپ مالىمدەدى ۆەدومستۆودان.
ورىن العان قىلمىستى اشۋ ماقساتىندا كريمينالدىق پوليتسيا باسقارماسى, جەدەل قيمىلدايتىن ارنايى جاساق پەن ۇلتتىق قاۋىپسىزدىك كوميتەتى قىزمەتكەرلەرىنەن ارنايى توپ قۇرىلىپ, كۇدىكتىنى ۇستاۋعا باعىتتالعان جەدەل-ىزدەستىرۋ ءىس-شارالارى كەشەنىن جۇرگىزدى.
جۇيەلى, جوسپارعا ساي اتقارىلعان جۇمىس ناتيجەسىندە, جەدەل ۋاكىلدەر كەلەس اۋدانى اباي كەنتى كوشەلەرىنىڭ بىرىندە كۇدىكتىنى قىلمىس ۇستىندە ۇستادى. ياعني, كۇدىكتى جابىرلەنۋشىدەن ميلليون تەڭگە العان كەزدە قولعا ءتۇستى. ءتىنتۋ كەزىندە پوليتسەيلەر ۇستالعان تۇرعىننان زاتتاي دالەل رەتىندە اقشا تاركىلەدى.
قازىرگى ۋاقىتتا اتالعان جايت بويىنشا سوتقا دەيىنگى تەرگەۋ امالدارى جۇرگىزىلۋدە.
