«قازاقستان رەسپۋبليكاسى مەن كيپر رەسپۋبليكاسى اراسىنداعى ۇستاپ بەرۋ تۋرالى شارتتىڭ جوباسى ماقۇلدانسىن», دەلىنگەن پرەزيدەنت قاۋلىسىندا.
وسى قاۋلى قول قويىلعان كۇننەن باستاپ كۇشىنە ەنەدى.
ء«اربىر ۋاعدالاسۋشى مەملەكەت ەكىنشى ۋاعدالاسۋشى مەملەكەتتىڭ سۇراۋ سالۋى بويىنشا ۇستاپ بەرۋگە اكەپ سوعاتىن قىلمىستار ءۇشىن قىلمىستىق قۋدالاۋدى جۇزەگە اسىرۋ نەمەسە زاڭدى كۇشىنە ەنگەن سوت ۇكىمىن ورىنداۋ ماقساتىندا سۇراۋ سالۋشى ۋاعدالاسۋشى مەملەكەتتىڭ قۇزىرەتتى ورگاندارى ىزدەستىرىپ جاتقان ونىڭ اۋماعىنداعى كەز كەلگەن ادامدى وسى شارتتىڭ جانە ءوزىنىڭ زاڭناماسىنىڭ تالاپتارىنا سايكەس ۇستاپ بەرۋگە مىندەتتەنەدى», دەلىنگەن كەلىسىم بابىندا.
