«قارجى مونيتورينگى اگەنتتىگىنىڭ ەلوردالىق دەپارتامەنتى «Eden Life» قارجى پيراميداسىن قۇرۋ جانە باسقارۋ فاكتىسى بويىنشا قىلمىستىق ءىستى تەرگەپ جاتىر. تەرگەۋ ورگانى قالانىڭ سەنگىش تۇرعىندارىمەن ءتۇرلى سيپاتتاعى ينۆەستيتسيالىق باعدارلاما كەلىسىمدەرىن جاساپ, ويدان شىعارىلعان ينۆەستيتسيالىق جوبالارعا قاراجات سالۋدى ۇسىنعان تۇلعالاردى انىقتادى. بۇل ۇيىم ءوزىن پورتفەلدىك ينۆەستيتسيا جانە قارجىلىق كەڭەس ۇسىناتىن حالىقارالىق قارجىلىق جانە اناليتيكالىق كومپانيا رەتىندە كورسەتەدى. دەپارتامەنتتە اسا ءىرى كولەمدە اقشا نەمەسە وزگە دە م ۇلىككە قاتىستى قارجى پيراميداسىن قۇرۋ جانە باسقارۋ فاكتىسى بويىنشا قىلمىستىق ءىس تەرگەلىپ جاتىر», دەلىنگەن اگەنتتىكتىڭ ءباسپاسوز حابارلاماسىندا.
ءمالىم ەتىلگەندەي, قىلمىستىق-پروتسەسستىك كودەكستىڭ 201-بابىنىڭ تالاپتارىنا سايكەس باسقا دەرەكتەر تەرگەۋ مۇددەسى اياسىندا جاريا ەتۋگە جاتپايدى.
قارجى مونيتورينگى اگەنتتىگى ازاماتتاردى قىراعى بولۋعا جانە Youتube حوستينگىندەگى «Eden Life» جارناماسىنا الدانىپ, جيناقتارىن كۇماندى قارجى ينستيتۋتتارىنا سالماۋعا شاقىردى.
